هاجم الإعلامي يوسف الحسيني، أجهزة الأمن؛ بسبب إلقاء القبض على رسام الكاريكاتير، إسلام جاويش، قائلًا: "مش عارف إيه حكاية حالة الذعر المبالغ فيها دي". وأضاف "الحسيني" خلال برنامجه "السادة المحترمون" على قناة "أون تى في"، قائلًا: "الرسمة هتسيئ للنظام في إيه؟ هتأثر عليه في إيه؟ الداخلية بتقول الموضوع كله مصنفات، والقانون يمشي على إسلام واللي أتخن من إسلام.. إحنا في دولة الدانتيلا.. وأوراق التوت تتساقط.. العدل يا بتوع العدل.. العقل يقول نفهم ونحتوى ومانتلكش.. ناخد الإجراء القانوني ونسيب المساحات للناس.. لكم فيما حدث لمبارك ونظامه أسوة". وتابع: "انتوا اتصالحتم مع اللي سرق 13 مليونًا وعايزين تتصالحوا مع اللي سرق 6 مليارات، ومش عايزين تتصالحوا مع إسلام اللى جاب نسخة مضروبة!". واستطرد: "انتوا اتصالحتم مع حرامية بالعنوة، سرقوا ملايين وماحطتوش عليه أي غرامة، ولا حطتوه في الحبس ساعة واحدة.. اللي سرق ملايين مادخلش الحبس ساعة، لكن اللى طلع بويندوز مضروب خطر على الوطن". شاهد الفيديو: