ضحكة المساجين .. كليب ل "الحجار" و"الأبنودي"

يا شموس بتبرُق فى غُرَف عِتْمين

أما اللى خان وطنَك وأوطانى
م الهيبة.. حاطّينه ف قفص تانى
يصحى وينعس والجميع واقفين

ومصر عارفه وشايفه وبتصبُر
لكنّها ف خَطْفِةْ زمن.. تُعْبُر
وتستردّ الإسم والعناوين

يا دى الميزان اللى طِلعْت لفوق
بينزِّلوك بالعافية أو بالذوق
دول مش بتوع الصدق فى الموازين

الثورة نور.. واللى طفاها خبيث
يرقص ما بين شُهدا وبين محابيس
والدم لسّه مغرَّق الميادين

الحزن طايح فى قلوبنا.. بجدّ
ما فضلْش غير الشوك فى شجر الورد
غِلِط الربيع ودخل فى أغبى كمين

وفى انتظار تيأس مع الأيام
غيرك فى قفصُه بيضربوله سلام
وانت الجزم قبل الكفوف جاهزين

ومصر عارفه وشايفه وبتصبُر
لكنّها ف خَطْفِةْ زمن.. تُعْبُر
وتستردّ الإسم والعناوين

يا عم اقعد بسّ واشرب شاى
الدنيا ماشيه وشعبنا نسّاى
والبركة فى الشاشة وفى الجرانين

واذا هوْهوُوا.. قوم إعلن الأحكام
وكل بُق.. تلجّمه.. بلجام
ومش حتغلب تطبخ القوانين

ويا مصر.. هَدِّى وانتى بتفُوتى
الصوت فى صمتُه.. أعلى من صوتى
آدى السجين اللى ما باتش حزين

واللى يُقف فى وش ثوّارها
ما حيورث إلاّ ذلها وعارها
واللى حيفضل.. ضحكة المساجين

ومصر عارفه وشايفه وبتصبُر
لكنّها ف خَطْفِةْ زمن.. تُعْبُر
وتستردّ الإسم والعناوين
------------------------------------------------------------------------
التعليقات
samy
الأحد, 19 فبراير 2012 - 07:46 am
WHERE ARE MY COMMENT ??????????????????.
HE . WHY YOU HAVE REMOVED MY COMMENT OUT.\\r\\nYOU JUST KEAB THE COMMENT,S HOW SERV YOUR INTERESS EVEN IF THIS HAVE A BAD WOORD,S????\\r\\nBUT IF IS NOT IN YOUR INTERESS ???? YOU REMOV IT OUT . I WAS THINK THAT THIS IS A GOOD NEWS SIT . BUT I WAS ROUNG . YOU ARE ASS HOLL LIKE THE OTHER,S . THIS IS MY LAST TIME TO BOT COMMENT,S ON YOUR FUCKEN NEWS SIT ASS HOOOOOOOOOOOLL,S