شاهد إعلام الانقلاب ل"السيسى": أخدنا "خازوق" بسبب سد النهضة ووزير الرى بيضحك علينا

قال الإعلامي الموالى للانقلاب جابر القرموطي، اليوم الأربعاء، إن المصريين مش فاهمين الدولة بتعمل إيه في موضوع سد النهضة، طمنوني يا إخوانا، إحنا مرضى ولا معافين، مفيش تقدم على الأرض وكل يوم بنسمع حاجات غريبة.
وانتقد القرموطي، خلال برنامجه "مانشيت"، عبر فضائية "أون تي في"، أداء الدكتور حسام مغازي، وزير الموارد المائية والري، بحكومة الانقلاب قائلًا: "بصراحة وزير الري بيضحك علينا، مش مصدقه في موضوع سد النهضة ده، والوقت عمال يجري، وحضرته مش عارف يقنعنا إنه ماشي صح، وأما يكون في تعثر سيب المسألة لحد تاني يديرها، كده مش هينفع، ولازم نفهم إثيوبيا ناوية على إيه، وإن مكنش هينفع نعين وزير للنيل، بلاش تكون كل حاجة على وزير واحد، لازم نتعاون حتى نصل إلى نقطة التقاء".
وأضاف: "كل شوية بناخد زقة لورا مش لقدام، لازم تطمنونا، موضوع سد النهضة ده رايح لحيطة سد، ولا رايح لمرحلة نهضة بالنسبالنا، بدل الخوازيق اللي كل شوية بناخدها دي، واضح إن الوزير بتاعنا عنده شوية برد، ضغط دمنا بدء يرتفع من الموضوع ده، وكل التصريحات ضحك على الدقون، الروح بلغت الحلقوم من الموضوع ده، كل ما نسئل خبير يوقلنا إننا رايحين لحيطة سد، الواحد اللي متفائل هو وزير الري"."