فضح نصب "كليوباترا" على الشعب تحت شعار "تحيا مصر"

بعد بلاغ للنائب العام ضد شركة سيراميكا كليوباترا وصاحبها محمد أبو العينين بالنصب على الشعب.
خرجت دعوات وحملات على مواقع التواصل الإجتماعى بالترويج للتعريف بسياسة الشركة الخاطئة، والنصب على الشعب باسم التضامن مع مصر.
حيث قالت الحملة، أن شركة سيراميكا كليوباترا أطلقت عرض يوم إفتتاح قناة السويس تحت شعار " تحيا مصر "،
أشترى سيراميك شقتك كامل ب 6600 جنية وكمان هدية بنسبة خصم 54 % على جميع موديلات الأفرع بتاعتهم فى مصر وبادر معظم الشعب الغلبان كله و الشباب اللى بتجهز نفسها راحت اشترت سيراميك شقتها بالعرض .
و بعد ما تقدمت الناس للشراء واختارت الموديلات التى يحتاجونها من معارضهم و دفعت المبلغ المادى،
وقبل تسليم أى جزء من السيراميك المتعاقد عليه، أعطو لكل الناس فواتير مكتوب عليها " حين الإنتاج "
فالناس سألتهم متى سيكون التسليم؟
قالوا التسليم خلال 15 يوم، وبعد مرور اكثر من 3 شهور لغايه النهاردة اكثر من 70 % من الناس مستلمتش
وكل ما تروح يقول لك: لسه مفيش انتاج، اصل الموديل مش موجود، اصل هنشوف ونقولك .
وناس تكلمك فى التليفون تشتغلك وناس تكلمك تقولك جاهز 10 % من الطلبية بتاعتك وخدهم بقى على شهور
ولما تتعب من انك تروح وتسألهم يقولك " روح اشتكينا هنعملك ايه يعنى "
شركة سيراميكا كليوباترا فى اليوم ده بس مبيعات كل فرع فيها كانت لا تقل عن 5 مليون جنية
يعنى ملايين فى فروع مصر لا تعد ولا تحصى
أخذو الفلوس شغلوها و باعوا بيها و عملوا معارض لاكثر من 3 شهور وممكن يكونوا خدوا تسهيلات من الحكومة فى حاجات كثير وضرائب على حس العرض ده وفى الأخر نصبوا على الشعب و قالوا احنا بعنالك الفنكوش خد فلوسك لو مش عاجبك.

كلب أبن النائب العام رجع ف في يوم..
عايزين بقى نشوف حق الشعب هيرجع فى كام يوم؟
‫#‏سيراميكا_كليوباترا‬
‫#‏رائدة_صناعة_النصب‬
‫#‏شير_نساعد_الناس_تاخد_حقها‬