بالفيديو.. مخترعان يحرجان ابراهيم حجازى ويربكانه فينهى الحلقة سريعا لأنهم ربعاوية

تداول نشطاء علي مواقع التواصل الاجتماعي فيديو للقاء تلفزيوني جمع الإعلامي إبراهيم حجازي وشابين من "المخترعين" إتضح أنهم من رافضي أحداث 3 يوليو . وتحدث الشابين عن إبتكاراتهما في مجال "النانو تكنولجي" وكيفية إفادة مصر , ولكن الخلاف بدأ حينما قال لهم حجازي " لو توقفت مظاهرات الإخوان سنوفر لكم أموال لدعم إختراعاتكم لأن مظاهرات هؤلاء تسبب للدولة خسائر كبيرة" . حيث قال حجازي : لو الإخوان مطلعوش مليونية وحدة هنوفرلكم تلت مليار جنيه لأن فيه 300 مليون جنيه خساير دة غير اللي قبضوه للناس " وعلق الضيف قائلا : "المليونيات دي كانت بتتم السنة اللي فاتت بشكل كبير جدا .. والتلفزيون المصري بيقول مفيش مليونيات.. يعني لما اطلع أقول ان المليونيات مؤثرة علي البحث العلمي والاقتصاد وكل حاجة .. طب هي موجودة ولا مش موجودة؟ " وعلق حجازي قائلا: " انا بكلمك علي الشوية اللي بيطلعوا في اي يوم دول أيا كانوا مين بيضيعوا فلوس دة غير المصاريف اللي بتتصرف عليهم سواء إذا كان دة واخد حسنة ولا حاجة" ولكن الضيف إلتقط الحديث قائلا: "انا كنت بشوف البلاك بلوك بيقطعوا المترو والدائري وبنقف بالساعتين والتلاتة وكل دة مكنش حد بيتحرك نحيته" وحاول حجازي مجاملة الضيف الاخر ظنا منه أنه يتفق مع رأيه حيث قال " مصر محتاجة تتقدم طالما فيها ولاد زي كريم كدة" وأشار ناحية الضيف الاخر . وعلق الضيف الاخر قائلا : كل مصري عايز بلده تتقدم .. بس مش هينفع تتقدم علي باطل .. والباطل اننا عندنا دلوقت دماء .. وأي حد بينزل يقول رأيه بيتم إتهامه أنه إرهابي وبيحاكم محاكمة عسكرية" وعلق حجازي قائلا " متعملش فتنة .. انت تقول رأيك زي مانت عايز .. يعني لما بيطلع مظاهرة من الاخوان حد بيكلمهم؟ ولكن لما تطلع تحرق ولا تضرب دة موضوع تاني " وعلق الضيف قائلا : انا أعرف طلاب في جامعة القاهرة وليهم عضوية في اتحاد الطلاب وفي كلية علوم وهندسة تم الان إعتقالهم " .. ولكن حجازي قاطعه قائلا : "لا لا لا انا ماخدش الكلام دة". وأضاف: " انت هتفيدني بأيه لو طلعت شيلت "يافطة"؟ فيدني بالاختراع دة " .. ولكن الضيف قاطعه قائلا " والناس اللي ماتت في رابعة دي نعمل فيهم ايه؟". وحاول الضيف الثاني أن يتكلم إلا أن حجازي قاطعه قائلا "احنا اديناكم ال 6 دقايق بتوعكم كاملين"