السيسى عن زيادة أسعار تذاكر السكة الحديد: "الحكومة هتجيب منين"

طالب الرئيس عبد الفتاح السيسى، من الدكتور هشام عرفات، وزير النقل، الكشف عن الدخل السنوى للسكة الحديد، قائلاً:" دخل السكة الحديد كام يافندم فى السنة؟..قل لو سمحت؟"، ليؤكد الوزير :"الفرق فظيع".. فالتشغيل يصل ل 4 و5 مليار، بينما لا تتجاوز الإيرادات 2 مليار جنيه".
فيما قال الرئيس عبد الفتاح السيسى، :"كلامى ربما يكون غير مريح ولكن هذه هى الحقيقى التى أوصلتنا لهذا المستوى لأننا لا نواجه الحقائق كما ينبغى ..الوزير يقول سننفق 10 مليار لكهرباء وميكنة السكة الحديد، وهذا الرقم لو وضعناه بالبنك لوصلت فوائده ل مليار جنيه أو 2 مليار جنيه أخرى، وحين يكلف مرفق واحد 10 مليارات جنيه هنسد الفلوس دى منين..هندفع قرض كوريا وفرنسا وغيرها منين..الدولة متقدرش تدفع".
وتابع :" المشكلة أن المسئول يتحدث دون أن يعلن الحاجة هتتكلف كام وهنجيب منين..ونسيب الناس تتفرج علينا ولما نقول هنزود التذكرة جنيه يقولك أنا غلبان مش قادر ..طيب أن كمان غلبان مش قادر ..عاوزين البلد تتصلح وتطلع وتبقى دولة والمواطنين يحسوا بتنمية حقيقة!.. لو تركنا تطوير البنية التحتية فهذا سيتسبب فى العديد من المشكلات والحوادث والخدمات غير المضبوطة..أنا بجرى وبشرح عشان التطوير وعشان كلنا نبقى عارفين الحكاية إيه".