مريم فخر الدين: بعت «الصيغة» بتاعتي علشان اشتري «تُربة»

عرض الإعلامي وائل الإبراشي مقدم برنامج «العاشرة مساءً» على فضائية « دريم2»، حوارا مسجلاً سبق وأن أجراه مع الفنانة الراحلة عن دنيانا مريم فخر الدين.
وقالت خلال الحوار، إنها تعمل في الوقت الحالي على توطيد علاقتها بالله سبحانه وتعالى، من خلال الصلاة والصوم، مضيفة: «أنا مليش دعوة بأي حاجة خالص دلوقتي غير ربنا، أنا بصحى كل يوم الساعة 4 عشان أصلي الفجر».
وبسؤالها عن رأيها في الرئيس المعزول محمد مرسي وجماعة الإخوان بوجه عام، قالت: «أنا مليش دعوة بالسياسة، مش بحب أشوفها ولا اتكلم فيها، أنا دلوقتي مع ربنا بس».
وأضافت: «أنا بعت الصيغة بتاعتي عشان اشتري تُربة، التُربة بتاعت بابا اتملت خلاص، والناس قالولي نوسعها بس أنا مرضتش، أنا لما أموت مش هيبقى في عائلة فخر الدين خلاص، أنا آخر واحدة».