مداخلة (لغز).. وتامر أمين للمتصل: «انت صح الصح» (فيديو)

فوجئ الإعلامي تامر أمين، مقدم برنامج «من الآخر» على قناة «روتانا مصرية»، بمداخلة هاتفية لأحد المواطنين يدعى «أشرف» من محافظة الإسكندرية غير مفهومة.
وقال المتصل، خلال المداخلة هاتفية: «بالنسبة لموضوع الأستاذ هشام يعني هو البشمهندس محلب بدل ما يبص للقرضاوي اللى عمال يشتم في الناس والجيش والشرطة.. والأستاذ علاء باشا صادق اللي هو خارب الدنيا علينا واخد بال حضرتك؟ يعني ما جتش على الأستاذ هشام واخد بالك يا أستاذ تامر؟».
ورد «أمين»: «بصراحة مش فاهم.. ماجتش على هشام دي معناها إيه؟»، فأضاف المتصل: «بص يعني ما يعلقوش يعني على الحاجات اللي هي ي ي ي واخد بالك مش عارف أقول حضرتك إيه»، وبدت علامات الدهشة والاستغراب على «أمين»، الذي بدأ في حك ذقنه في علامة على فشله في فهم ما يريد قوله المتصل، ورد ضاحكا «الحقيقة مش فاهم، ومش قادر ألقط وجهة نظر حضرتك».
وسأله «أمين»: «هل تقصد أن يفعلوا مع هشام مثل ما فعلوه مع القرضاوي وعلاء صادق، أم تقصد ما جتش على هشام فما يعملوش كده مع هشام مش فاهم؟»، فتابع المتصل: «أتكلم عن القرضاوي والأستاذ علاء صادق الناس الكويسين دول المفوض يعني إيه.. إيه خسارة فيهم أنا بكلمك بأمانة أني.. إيه إيه... يقولوا إن إحنا من مصر»، فرد «أمين»: «عايز تقول خسارة فيهم الجنسية المصرية؟»، فرد المتصل: «الله ينور عليك».
وأكمل المتصل: «مفروض البشمهندس إبراهيم محلب ما يعلقش يعني... إيه إيه.. واخد بالك على الراجل المحترم القرضاوي ده والأستاذ علاق صادق، وغيره وغيره»، فما كان من «أمين» إلا أن شكره وتعجب من تناقض كلامه بوصفه «القرضاوي» و«صادق» في أول المكالمة بأن خسارة فيهم الجنسية، واختتم المكالمة بأنهم ناس محترمون.