بالفيديو.. مبارك ل«المجاهدين»: عايز تحرر القدس روح حد ماسك إيدك

نشرت صفحة «أنا آسف ياريس»، إحدى الصفحات المؤيدة للرئيس المخلوع حسني مبارك، مقطع فيديو يسخر فيه من المطالبين بالجهاد من أجل تحرير فلسطين.
وقال «مبارك» في مقطع الفيديو: «عايز تحرر القدس، ما تروح يا سيدى وهو حد ماسك إيدك، حررها والله العظيم أخدك بالحضن وأبوسك وأسقفلك روح حررها، هو التحرير بالكلام؟»، مضيفًا: «ياجماعة هو التحرير كلام.. بقالنا 43 سنة بنتكلم وغلبنا كلام لما اتقطع نفسنا»، على حد قوله.
وأضاف الرئيس المخلوع، «عايز جهاد يا مرحبا روح جاهد هناك، أنا مكتف حد اللي عايز يسافر، يا مجاهد في سبيل الله يلا يا سيدي مع السلامة، ايه اللي مانعه انا ماسكه من ايده، يجيب باسبور ويطلع مع الف سلامة ومع تحياتي له، ويستأذني ليه؟.. هو كل واحد بيسافر بره بيستأذني، هو بيقولي كده عشان اقوله لا.. لا ياسيدي روح اللي عايز يروح يروح»، على حد وصفه.
وتابع مبارك «خلينا نعيش الواقع، خلينا نخرج بلدنا من الازمة ومفيش داعي للمزايدة، والكلام اللي لا يؤدي ولا يجيب خلينا نكون منطقيين مع أنفسنا عشان نعبر، لأن أحنا بنعبر، وفي ناس كتير مش عايزانا نعبر لو مكناش هنساعد انفسنا الارف هيجي على دماغنا كلنا»، حسبما قال.
وفي مقطع فيديو آخر، قال مبارك: «مصر بتعمل في القضية الفلسطينية منذ أن ولدت و مصر هى اللى حولت قضية الفلسطينية من قضية لاجئين الى قضية شعب و دولة».