ابنة "الشاطر": لا تنسوا هؤلاء فى رمضان

دعت عائشة الشاطر، ابنة المرشد العام لجماعة الإخوان المسلمين، عدم نسيان المعتقلين والشهداء في أجواء رمضان ومساعدة أسرهم ومحاولة تعويضهم، قائلة: وأنت بتستعد لرمضان، بتشوف أول يوم هتفطر مع مين وهتفطر إيه وتعزم مين أو هتتعزم عند ميين، وأنت بترتب وتجهز افتكر آلاف البيوت اللي بيدخل عليها رمضان السنة دي وفيها فرد ناقص لأنه شهيد أو لأنه مفقود أو مطارد أو معتقل.
وأضافت: افتكر آلاف الأمهات والزوجات والآباء والأبناء اللي في الأسر دي رمضان عامل عندهم إزاي، افتكر الأم اللي كانت بتعزم ابنها أول يوم بس السنة دي مش هتلاقيه، والزوجة اللي كان زوجها بيخلي أول يوم لبيته معاها ومع ولاده والسنة دي رب الأسرة ده معدش موجود، وافتكر اللي اتحرم للأبد من أب أو أخ أو زوج أو ابن لأنه شهيد، واللي محروم لأنه معتقل وممكن يرجع وممكن لأ لأنه محكوم عليه بالإعدام أو بالمؤبد أو بسنين يا تري هيخلصها ولا هيموت قبله. ودعت إلى مساعدتهم قائلة: "تحاول تعمل دور مع أطفالهم وأسرهم وأضعف الإيمان إنك تحس بيهم وتدعيلهم، افتكرهم وتخيل نفسك كأنك فرد في أسرة من دول فشوف إزاي هيكون دعاؤك علي اللي حرمهم".