بالفيديو .. باسم يوسف يروى قصة موس و جنزير عمرو موسى .. و يؤكد : طنط باكى مابيتبلش فى بوقها فوله .. و يغنى : فكك من الماضى و اشطح زى العريان

فى حلقة فريدة و مميزة من البرنامج الساخر "البرنامج ؟" ، و الذى يقدمه الإعلامى باسم يوسف ، على قناة "سى بى سى" علق يوسف على تصريحات الإعلامى عمرو اديب قائلا: "انا عايز أغسل أيدى من اللي بيحصل فى السياسة"، وقال أيضا: "عاوز تغسل ايدك من اللى بيحصل قولى انت بتعمل اية في البرنامج بالظبط انا عارف ان السياسة نجاسة لكن بس مس لدرجة دي" ، وأضاف : "اليوم سنتحدث عن العشاء السرى اللى كان بين عمرو موسى و ايمن نور و الزغلول الكبير خيرت الشاطر ، و السؤال المهم كما سألته الإعلامية رولا خرسا .. اتعشيتوا اية ؟".
وسخر من العشاء السرى الذى ضم رئيس حزب المؤتمر عمرو موسى و زعيم حزب غد الثورة الدكتور ايمن نور ,و نائب المرشد العام لجماعة الإخوان المسلمين خيرت الشاطر ، حيث قال: "ايمن نور كان بيهدى عمرو موسى علشان كان عاوز يعور خيرت الشاطر بالموس" ، وأكمل : "عمرو موسى سحب الجنزير من ورا ضهره علشان يضرب الشاطر, و ايمن نور هو اللي مسكه".
وأكمل الإعلامى الساخر قائلاً : "ايمن نور انكر معرفته بخيرت الشاطر ، و ايمن نور صاحب القعدة و السلطات" ، وعقب على تصريحات ايمن نور التى نفى فيها علاقة خيرت الشاطر بمؤسسة الرئاسة قائلاً : "خيرت عمره ما راح الاتحادية لا هيا اللى بتروحله ، و خيرت ملهوش علاقة بالرئاسة ولا الرئيس مرسى .. عبط احنا يا ايمن عبط ها" ، وعقب على مدح الإعلامى هانى سلامة ل"ايمن نور" قائلاً : "يا ايمن طالما ان الراجل دة بيتكلم عليك كويس يبقى انت ماشى ف سكة زى النيلة".
وعقب على تصريحات أيمن نور المتعلقة بنيته لدعوة احد قيادات مؤسسة الرئاسة مثلما فعلت الدكتور باكينام الشرقاوى للعشاء السرى مع الشاطر و موسى قائلاً : "طنط باكى تانى !! ، دى مابيتبلش فى بوقها فوله" ، وأضاف : "فى الحوار الوطنى و عرفنا ان باكينام الشرقاوى هيا اللى لبست الحاضرين فى الحيطة باذاعة المؤتمر السرى على الهواء ، لكن فى العشاء ده مين لبسكم ف الحيطة ؟!!" ، وتابع : "زمان كان تشويه الشخصيات العامة بقرش حشيش أو صورة مع فتاة ، لكن الان يكفى انهم يقولوا انك كنت بتقعد مع قيادات الإخوان ومن غير صور".
ثم قدم أغنية ساخره من مشروعات القوانين الآخيرة التى ناقشها مجلس الشورى فى الآونة الأخيرة ، وجاءت ضمن كلمات الأغنية : "فكك من الماضى و أشطح زي عصام العريان ، اعمل دستور فصل قوانين ، خد دستورية و تشريعية و قضائية ، خد قوانين".
وفى الفقرة الآخيرة إستضاف فريق "فبريكا" وهو فريق غنائى مسرحى ، حيث قال يوسف ان هذا الفريق هو اول مسرح غنائى ، حيث قدم فبريكا أغنية "من مسرحية الموسيقية البؤساء" .. و اهم ما جاء بكلماتها : "نزل عينيك فى الارض الذل علينا فرض ، و فى الغُلب و العار لغاية يوم مانموت ، و فوق يا حمار فوق مستنى ايه هاتموت فى العار مدفون فى الارض".