مدونة يمني : فضفضه

الصاحب اللى يشيل معاك الهموم
ويحفظ السر ويكون دايما كتوم
وإن راح لا يعاتب ف حقك وحتى يلوم
والدنيا بلا صاحب فانونس من غير شموع
اللى يهديك النصح إعمله بقى صاحب
الكلمة لو نابعه من القلب أصبحت واجب
إحذر من اللئيم وخلىِّ بينك وبينه حاجب
والدنيا بصحبة اللئيم طريق نهايته دموع
طريق الصواب هو الهدف وقارب نجاة
والموج لو عالى ه يفضل المرسى والثبات
وإن طالت المحن ماتندم على اللى فات
والشجر لجل مايطول الأعالى تخضر الفروع
يانفس تعبتى معايا من كترة المشاوير
أغوص جواكِ ألاقى كلمه محفوره بالمسامير
كلمة الآه مابين سنين التعب والمقادير
والوجد مالىِّ الفؤاد أما الشجن طاحن الضلوع
عزة النفس تاج تتحلى بيه كتير من الخلايق
ولا يعرف قيمة التاج إلا الآصيل وفايق
يعرف صنوف البشر والأدب هو اللى سابق
لوتاه بجهله عن المعرفه ه يفضل بقى مخضوع
شايل ال الأحمال فوق ال الكتاف بزمان
لا الحمل قال كافى ولا حتى مال مع الزمان
الرجل دابه ع الطريق ماتعرف الزوغان
ولاتهرب من المكتوب ولا للغير تعرف خضوع