فلان : ايه الجرجير والفجل والخس والبقدونس اللي معاك ده! علان : عايز دنيتي تبقي خضره وفيها 3 نجوم! فلان : انت مش بتتكلم علي الدنيا.. انت كده بتتكلم عن علم مصر القديم واللي كان فيه مع النجوم هلال ابيض. علان : يا ابن الإيه.. عرفتها لوحدك فلان : عرفتها لما شفت الأخ اللي دايما في مظاهرات التحرير تلاقيه بخلاف كل الناس.. رافع العلم القديم. علان : ما جايز يكون الأخ ده من ايام الملك ومايعرفش ان ثورة 52 قامت. فلان : وجايز زعلان من ساعتها علي أيام الملك ونفسه ترجع تاني. علان : وبالمرة ترجع له منيرة المهدية وعبده الحامولي والست "ألماظية العايقة". فلان : والأهم من ده كله نرجع له "الطرابيش" علان : وعلي إيه ما كفاية علينا اللي هدفه الوحيد يقلوظ لنا "العمه"!! ابن البلد