لمؤاخذة!

ابن البلد
فلان: يا أخي أنا زعلان جداً من نفسي!
علان: علمت إيه يا ندمان؟
فلان: رحت انتخب واحد مرشح يهمني أمره وكنت عارف ان رمزه "ظرف البريد" وأنا قدام الصندوق غيرت رأيي وقلت لا اختار "الإيميل" أحسن وأشيك.
علان: لكن الرموز مفيهاش إيميل.
فلان: ما أنا رجعت وقلت بلاش اختار رمز "الطاولة".. وقبل ما أعلم عليه .. لقيت قدامي "الطبلية" وأنا ابن بلد.
علان: هو انت رايح تدي صوتك ولا تعملي فيها "سيد نابوليا".
فلان: أهو ده اللي حصل!
علان:أمال انتخبت مين؟
فلان: فكرت في "عربية اليد".. وبعدين قلت في نفسي مش معقول اسيب "العربية الملاكي" وقبل ما اختاره لقيت "الطيارة" وبعد كده "الصاروخ".. ودماغي لفت.
علان: ورسيت علي إيه؟
فلان: قلت لرئيس اللجنة اختار لي حاجة علي ذوقك.
علان: الراجل ما كدبش الخبر .. ولانه قاعد في اللجنة اختار "السرير"!!