ربنا خلقلي عقل .. ومش هردد ورا الرئيس

مؤلف "بشرة خير":

انتقد الشاعر و السيناريست أيمن بهجت قمر بعض ردود الافعال على تدوينته التي أعلن فيها أنه لن يشارك في حملة "صبح على مصر" التي أطلقها الرئيس عبد الفتاح السيسي في خطابه أول أمس .
وقال "قمر" في تدوينة : عادي انك تحب الرئيس او انك تكون بتأيده وانك تختلف معاه.. انا ربنا خالقلي عقل ومش هقبل اني اكون من نوعية ناس اتعودوا يلاقوا الريس يقول حاجه هوب تلاقي كله بيرددها وراه وبحماس منقطع النظير..لكل فعل رد فعل "بحسب قوله"
أضاف: والغريبة ان فيه قطيع قصدي قطاع من الناس ابتدى شوية منهم يشككوا في وطنيتي وشوية تانيين زايطين من مدعي الثوريه المراهقين أو من الاخوان أن مؤلف بشرة خير يئس ومحبط ... قمة الجهل والسطحية بصراحة وكإننا لازم نفضل نهلل لجانب واحد طول الوقت ولازم نمدح او ننتقد طول الوقت "بحسب تعبيره"
وأنهى كلامه قائلاً: عموما انا هفضل اقول رأيي وقت ما احب و ولا حد هيزايد عليا ولا هيعلمني اقول ايه وما اقولش ايه "بحسب قوله"