بالصور.. عروسان من الزفة إلى القبر

لم تكتمل فرحتهما بالزواج، إذ توقف عداد الزمن على ليلة زفافهما، والتي دونت اللحظات الأخيرة في الحياة، مشتبكة أيديهما ببعضها.
لقي أحمد وعروسته مصرعهما مساء أمس الخميس، ليلة زفافهما، في حادث سير، وهما في طريقهما لقاعه فرحهم خلال الاحتفال الذي تحول إلى مأتم، وبعد أن كان يتأهب الأقارب والأصدقاء حضور حفلهما أسرعوا مهرولين لإلقاء نظرة الوداع.
وانهالت التعازي على صفحات العروسين بموقع "فيس بوك"، حيث كتب إسلام عسكر قائلًا: "أول مرة في حياتي أشوف زفة حلوة زي دي بزف عريس وعروسة للجنة إن شاء الله، والنبي محدش يستخف بكلامي، والله أنا أول مرة أروح عزا بعربية، دا كان زفة فرح، روحنا علشان ندخلهم بيوتهم الجديدة، والله أكيد مكانهم أحسن بكتير من المكان اللي إحنا فيه ودخلوا الجنة بدل المكان اللي كان في الدنيا، ربنا يرحمك يا أحمد يارب وتعيش مع عروستك في الجنة".
فيما كتب محمد العمدة قائلًا: "ربنا يرحمك يا صاحبي مكنش ليا معاك كلام كتير ولكن كنا متجمعين على حب نادي الزمالك كنا بتكلم كتير عن الكرة مع إن غالبًا مكنتش تعرف اسمى غير لما ضفتنى على الفيس عندك عشان تتابع أخبار الزمالك من عندي بجد من أجمل الشخصيات الهادية الطيبة المحترمة اللي تشرف أي شخص يكون صديق ليه ربنا يرحمك أنت وزوجتك وربنا يجمعك بيها على خير في الجنة إن شاء الله رب العالمين".