محمود بدر: الإخوان هم أعداء ثورتي "23يوليو و30يونيو"

قال محمود بدر، أحد مؤسسي حركة تمرد، عن ذكري ثورة ال23 من يوليو: "يجب أن نأخذ في الاعتبار بعض الملاحظات منها "الناس اللي بتقول على ثورة يوليو انقلاب عسكري هي نفس الناس اللي قالت علي ثورة 30 يونيو انقلاب عسكري ودول المرضي اللي عندهم مشكلة مع الجيش المصري".
وأضاف بدر في تدوينة عبر صفحته الشخصية بموقع التواصل الاجتماعي "فيس بوك": "بص لخصوم ثورة يوليو هتلاقي علي رأسهم الإخوان وهما نفس خصوم ثورة يونيو وحرامية يناير واللي كانوا عاوزين يسرقوا ثورة يوليو ولما ثوارها رفضوا بدأوا يواجهوهم ويشوهوهم!".
وتابع بدر أنهم نفس طبقة الحرامية والهليبة وأصحاب المصالح الكبيرة اللي واجهت جمال عبد الناصر ووقفت ضد ثورته وضد إرادة المصريين هى نفس الطبقة اللي منفعتش مصر بجنيه في المؤتمر الاقتصادي وعاملة أزمات دلوقتي وبتلعب في السر ضد الدولة والثورة!
وأشار إلى أن ثورة يوليو عززت معني الاستقلال الوطني وبدأت بطرد الاحتلال والخروج من التبعية وتنويع مصادر السلاح وده نفس الطريق اللي مصر بتحاول تعمله رغم أن عدد عملاء الخارج ومحبطين الداخل أكتر بكتير دلوقتي.
واختتم بدر تدوينته قائلًا: "ثورة يوليو نجحت لما رفعت شعار "سنعتمد علي سواعدنا في بناء أنفسنا" وأممت قناة السويس وخلت خيرها لكل المصريين.. وثورة يونيو أنجح حاجة عملتها لغاية دلوقتى قناة السويس الجديدة وبنتها بفلوس المصريين وبأيديهم عشان كده لازم نفضل نعتمد على نفسنا.