7 حركات تدعو للاصطفاف الثورى 27 سبتمبر تحت شعار "الإعدام لمبارك"

دعت 7 حركات شبابية وهم حركة شباب ضد الانقلاب، شباب الجبهة السلفية طلاب ضد الانقلاب، طلاب الاستقلال، مهنيون ضد الانقلاب، حركة رفض غلاء الأسعار "صوت الغلابة"، والتيار المدنى الثورى إلى الاصطفاف ونبذ الخلافات بين كافة القوى التى شاركت فى ثورة 25 يناير، والخروج فى تظاهرات واحدة تحت شعار الإعدام لمبارك، وللتأكيد على أن الثورة لم تنته بعد.
وحددت الحركات مطالبهم فى : الاصطفاف الثورى لاستكمال ثورة 25 يناير، دعوة جماهير الثورة خاصة الطلبة والعمال والنقابيين والنساء إلى استكمال انتفاضات الغضب حتى النصر، موعدنا 27 /9 فى كل ميادين مصر تحت لافتة واحدة "الإعدام لمبارك".
وقالت الحركات، فى بيان حصلت "المصريون" على نسخة منه: الإعدام لمبارك والقصاص للشهداء الباشوات فكروا أن الثورة دخلت التلاجة، فكروا أن مبارك ممكن يفلت من الإعدام ويطلع فى زحمة مولد الإرهاب والكباب، فكروا أنهم ممكن يكملوا الجريمة وان زهرة الشباب لازم يبقى مكانهم المقابر علشان يمسك عواجيز مبارك المناصب، وكأن ثورة فى 25 يناير لم تقم، وكأن دماء طاهرة لم تراق. احنا بنقول بهدوء : لأ بنقول بصوت عال: لأ بنقول والشوراع بتغلى من جرائم عصابة مبارك : لأ: بنقول لمبارك التاني: لأ بنقول لقضاة الباشوات الملاكي: لأ، بنقول لكلاب الحراسة وكهنة المعبد: ألف لأ، بنقول لأمريكا وعصابة الهيمنة اللى دعمت شلة القتلة والحرامية : مليون لأ.
وأضافوا: أيوه اختلفنا كتير، زعلنا من بعض كتير، ولكن ثورة 25 يناير وأهدافها و قراراتها ومكاسبها وأوامرها خط أحمر.. لازم نحط خلافتنا فى التلاجة مؤقتا لازم ندخل القتلة كمان التلاجة، مبارك ومبارك التانى جيم أوفر. الإعدام لمبارك قرار الثورة .. القصاص للشهداء من 25 يناير لغاية النهاردة قرار الثورة مفيش مخلوق لسه فى مصر يقدر يغير قرار الثورة استعنا بالله القوى القهار، ثم بجماهير الثورة الصامدة .