زوجة دومة تستغيث: زوجى تحول لهيكل عظمى يتحرك بالكرسى

أطلقت نورهان حفظى، زوجة الناشط السياسى أحمد دومة، المحكوم عليه بالسجن لمدة ثلاثة أعوام، صرخة استغاثة، مؤكدة أن الحالة الصحية لزوجها فى تدهور شديد ومستمر قائلة: "أحمد تعبان اوي، بيرجع كل حاجة حتي المية، استشاري قال لازم يتحط في عناية مركزة بسرعة واستشاري تاني قال مينفعش يخرج من المستشفي الكلام ده من يوم الحد والداخلية رافضة خروجه لان دكتور السجن لسه مقالش، دكتور السجن اللي بيخبي عليه قياس الضغط والسكر، السجن رفض يديني صورة من رسم القلب وتحليل الدم وقياسات الضغط والسكر وقال متخرجش غير للنيابة".
وأوضحت حفظى، عبر تدوينة لها على صفحتها الشخصية بموقع التواصل الاجتماعى "فيس بوك"، أن دومة مصاب بارتجاع بالمريء وتشققات طولها 7 سنتيمتر وتقرحات بالمعدة، وذلك وفقا لآخر تحديث من الأطباء، مشيرة إلى إضرابه عن الطعام منذ يوم 28 أغسطس، مضيفة "من تالت يوم للإضراب بدأ يرجع بشكل هستيري أي حاجة بياخدها حتي المية وأقراص العلاج بعد 5 دقايق من بلعها الأقراص بتنزل زي ماهية، خلال 48 ساعة رجع 29 مرة".
وأشارت حفظى، إلى أن أطباء السجن يخفون نتائج قياسات السكر والضغط التى بدءوا الاهتمام بها منذ أن فقد زميل دومة "محمد نوبى" المضرب عن الطعام وعيه بالزنزانة، قائلة: "وقعدوا يندهوا علي السجانين اكتر من ساعة لدرجة أنهم قعدوا يخبطوا بالمعالق والحلل علي أبواب الزنازين ومن إجهاد الزعيق أحمد وقع هو كمان وبرضه مجوش غير بعدها بساعتين من يومها بس اهتموا يعملوا دوريات قياس سكر وضغط طبعا".

وأضافت زوجة الناشط السياسى: "من الموقف ده ومن موقف تعب احمد السابق والمستمر عندنا خبرة دكاترة ومستشفي السجن بتتعامل ازاي مع حالات المرضي في تقاريرها وحتي التشخيص اللي مبتقلهوش غير لادارة السجن، بعد مياعة الدكاترة في مصارحة احمد بحالته وقياسات السكر والضغط ورسم القلب طلب استشاري الاستشاري قال لازم يروح عناية مركزة فورا وميخرجش منها ،،السجن جاب استشاري تاني قام قال انه لازم يروح مستشفي وميخرجش منها ويعمل اشعة بالرنين ورسم قلب وصورة دم ووظائف كبد وكله بشكل مستمر، وقال ان نبضه مضطرب وان الرئة مهددة بايه فلازم حل لمشكلة الترجيع وشرب ميه وحركة كتير معرفش عشان ميحصلش ايه ،اصلا مفيش ولا معلومة كاملة ،،الخلاصة كلام السجن معناه لما تبقي تجيلك غيبوبة هنبقي نحطك علي الاجهزة ونديك محاليل وناكلك ،، احمد بيتعذب من التعب حقيقي بيتعذب وفي اقل من 6 ايام اضراب بقي هيكل عظمي، وبيتحرك بالكرسي، احمد مبياخدش حتي محلول الملح لان معدته متستحملش".