" سلطان" لأبو الفتوح شيل الإخوان والارتكاريا من دماغك وتعالى رابعة

وجه عصام سلطان نائب رئيس حزب الوسط رسالة شديدة اللهجة للدكتور عبد المنعم أبو الفتوح المرشح الرئاسى السابق ورئيس حزب مصر القوية منتقدًا أداءه فى التعامل مع المواقف السياسية المختلفة مبتديا رسالته بتدوينة تحت عنوان أصحى يانايم وحد الدايم "أخى الدكتور عبد المنعم أبو الفتوح .. بلاش الحنية الزيادة وأنت بتتكلم عن الخائن القاتل المنقلب، وتذكر القسوة والكره لدرجة العمى حين كنت تتكلم عن المنتخب .. وتابع سلطان، فى تدوينة له عبر فيس بوك " أخى الدكتور عبد المنعم .. صدمة الناس فيك كبيرة، هرولت إلى الطرطور بمجرد إشارة، وتمنعت عن المنتخب لمرارة فى نفسك لم تستطع التغلب عليها واضاف " عمرك ماكنت أبدا بتاع لف ودوران، وكلام فى كلام، ومسك العصاية من النص، وتصفية حسابات شخصية بحتة، وسكوت على حق واضح، وطناش على باطل، أوضح "ودعا" نائب رئيس حزب الوسط " أبو الفتوح للنزول إلى ميدان رابعة العدوية قائلا " تعالى إلى رابعة العدوية، لدعم البسطاء الذين يدافعون عن أصواتهم فى أكثر من عشر جولات انتخابية خلال عامين, بلاش حكاية الأصوات, طب تعالى لدعمنا ضد الانقلاب زى ما دعمناك فى الانتخابات, هى مش السياسة بردو خد وهات، مصالح يعنى ؟ والا انت نظامك وان وى ..؟
واضاف " سلطان " بصراحة أنا مشفق عليك، لا يحطك التاريخ جنب البرادعى وشفيق وبكرى وعكاشة وإلهام ودحلان وبهلوان ..
خليك مع الغلابة تكسب, وشيل الإخوان ومكتب الإرشاد والشاطر والارتكاريا من دماغك ..
واستطرد عضو مجلس الشعب السابق " والله العظيم 80٪ من اللى هنا مهومش إخوان! دا احنا معانا ليبراليين ويساريين وناصريين ، مسلمين ومسيحيين ، متدينين ومش متدينين ، وفى ناس مابتصليش خالص وما بتصومش وهما أحرار ، ومحدش له دعوة بحد، الاحترام المتبادل يسود الكل، وضد الانقلاب، وبس ..
وأضاف " اعتبرنى باتكلم بالنيابة عن أصحابك وأصدقائك وأخوانك وأحبابك اللى زعلانين منك أوى ومش راضيين يكلموك من كتر الزعل، واللى كانوا واقفين معاك فى جولة الانتخابات الأولى، ضد الكل بمن فيهم مرسى، يعنى مش إخوان ولا حاجة ..
واعتبر " سلطان " أسهل حاجة كنا فى الوسط عملنا زيك بالضبط، واتلككنا بخلافنا المعروف مع الإخوان، بس كنا هندوس على مبادئ كتير أوى .. ومكناش هنعرف ننام بالليل من تأنيب الضمير داعيا الله قائلا: " يارب نشوفك زى ما كنت زمان، واقف مع الحق من غير حسابات و لا توازنات موجها تساؤله لابو الفتوح " أنت بتفكر فى إيه ..؟ هو انت و حمدين صباحى فاكرين إن السيسى هيعمل انتخابات رئاسية وهترشحوا نفسكوا مرة تانية أصحى ياراجل ياطيب .. أصحى يانايم .. وحد الدايم .على حد قوله.
أسفل النموذج