مسحراتي "المصريون" (5)

اصحى يا نايم.. وحد الدايم
وحد الرزاق
رمضاااان كريم
عم إبراهيم بتاع الحدادة
واقف مكانه فاتح عنيه
يوم قال يا ثورة
قال دي مغامرة
نقف ونهتف زي العيال؟
جازف وراح شاف الجمال
وجنب منه عمي بلال
وبلال دا فاهم.. وقاري سياسة
ودا حوت ثقافة من زمان
قال له بإيدنا
نصنع كرامة
ونزيل فدادين البلادة
عشرين وخمسة من يناير
ملايين بتهتف في الميدان
أصوات قوية وقلوب عفية
هيطهرونا م الغيلان
أتارينا تهنا
م الصدمة دخنا
فين الميدان؟
مش هوّ دوا ..ولا هو دا
دم وجتت ملت الطريق
ورجعنا نمشي في الغميق
لو كناّ بحنا
قلنا جروحنا
نص الوطن.. أصبح ذبيح!!
ورمضاااااااان كريم