فيديو..عضوة بجبهة الضمير تحرج "خرسا" و"دومة"

انسحبت ليلى سامي عضو جبهة الضمير، من لقاء جمعها بالناشط أحمد دومة والناشط عمرو عبد الهادي والقيادي بحزب الغد إيهاب الخولي، بسبب التعدي اللفظي الذي تم على رئيس الجمهورية على قناة صدى البلد، بحسب وصفها.
وقالت ليلى: "محدش له دعوة بالشعب .. الشعب بيقول رأيه في الانتخابات اللي بيشرف عليها القضاة .. ثانيا بالنسبة للعصيان المدني .. مفيش عصيان مدني موجود في الشارع وأنا رحت بنفسي بورسعيد واتكلمت مع الناس هناك وشوفت المخابز المفتوحة ومحطات البنزين اللي شغالة .. والمدارس .. والناس كلها كانت شغالة ومفيش أي مشاكل .. لحد ما هددوهم أنهم لو طلعوا يوم السبت هيحصلهم مشاكل .. وأمروا مدير محطة السوبر جيت بإغلاقها".
وأضافت ليلى: "في حاجتين لازم أنوه ليهم .. أولاهم أن المعد بتاع البرنامج عمل خطأ مهني لأني طلبت أني أعرف منه مين الضيوف اللي جايين ولكنه مقاليش .. وأنا أرفض كل كلمة سب تم توجيهها لرئيس جمهورية محترم .. وأتحفظ على كل كلمة قيلت .. فقالت لها رولا خرسا: وأنا كمان تحفظت .. فقالت لها ليلى: لا حضرتك متحفظتيش".
فقال لها دومة: "بتتحفظي على سب الرئيس .. ومتحفظتيش على دم الناس اللي ماتت ليه ؟ .. فقالت له: لا تزايد على دماء الناس اللي ماتت .. والكلام اللي انتا بتقوله ده بالنسبالي مش حقائق .. ومتقاطعنيش لأني سبتك تتكلم وتشتم وتقول اللي انتا عايزه .. أنا أرفض أن يتم إهانة رئيس الجمهورية المحترم المنتخب من أي شخص".
فقال لها دومة ساخرا: "ربنا يهنيكوا ببعض ياااارب" .. فقالت سامي: "أنا متأسفة يا أستاذة رولا وأنا مضطرة للانسحاب من هذا المكان بسبب ما قيل" .. فقال لها إيهاب الخولي: "آنستي وشرفتي يا سيادة النائب .. عندك مجلس شورى الصبح ولازم تلحقيه ".. ولكنها ردت قائلة: "أنا لما أقعد في مكان لازم يكون فيه أدب واحترام".
شاهد الفيديو: