حلا شيحة تحذر من ينشرون صورها قبل الاعتزال: هتشيلوا الذنب

حذرت الفنانة المعتزلة حلا شيحة جميع من يتعمدون نشر صورها القديمة قبل اعتزال الفن من أجل استفزازها .
وقالت في تدوينة عبر حسابها ب"فيس بوك" : "حابة أوضح حاجة بسيطة .. اَي حد بتعمد ينزل لي صورة من أفلامي السابقة علي صفحتي لن يستفزني أبداً بفضل الله و الذنب مش أنا اللي حخده ده حيكون كله علي الشخص اللي سولت له نفسه الأمر ده .. أنا بخاف من الله وحده الحمد لله قوية جدا بالله وحده ثم الدعاء و ادعوا الله الثبات في كل لحظة في يومي و انا ذقت الحياة بعيد عن الله و بالقرب منه
و لا اتخيل حياتي ان تعود كالسابق و الحمد لله انا بنت ناس طيبين و عائلة طيبة ولي في حياتي السابقة بعض الأخطاء لكن اخطاء بنت في سن صغير شئ وارد و لابد منه ".
وأضاف: "كل الانسان يخطئ و لابد ان يخطئ و الا فكيف يعرف الصواب .. لست ُ نادمة علي شئ مر من حياتي لان كل ما مضي قادني إلي الله و محبته و التعلق به .. الدنيا دار اختبار لكل الناس احنا جينا هنا لحكمة عظيمة و لهدف .. و لو الانسان مسألش نفسه و حاسب نفسه كل فترة حيعيش كدة و خلاص .. لازم نسأل نفسنا احنا مين و هنا ليه و ايه السبب في وجودنا، أسئلة غيرت حياتي و حياة ناس كتير ، واللي بيسأل بصدق غير اللي بيضحك علي نفسه بشوية اوهام تريحه و حيصدقها و خلاص ، علشان كدة بقول لأي حد بيحاول يأذيني علي الصفحة او يقول كلام عني بيحاول بيه يضايقني .. أقوله متحاول معايا وصعب تعرف لان مصدر قوتي و صبري و استمراري في طريقي من الله القوي المتين الجبار العزيز اللي لو كنت تعرف قدره مكنتش حتي فكرت انك تإذي نفسك ايوة انت فعلاً أذيت نفسك اما انا ففوضتُ امري الي الله والله المستعان علي ما تصفون ".