بالفيديو.. زوجة ضحية قسم منشأة ناصر: "الشرطة قتلته وقالت انتحر"

"كانت أخلاقه حلوة وكل الناس بتحبه، كنا رايحين نصيف ومجهزين كل حاجة" كلمات قالتها بدموعها، زوجة ضحية قسم منشأة ناصر "جمال كمال عويضة" الشهير ب"كمين" 42 عامًا، والذي كان يعمل ”مساعد” فى تخليص أوراق وتوكيلات سيارات بمرور منشأة ناصر، وتوفي داخل القسم بعد القبض عليه بساعات وتعذيبه حتي الموت، وتم نقله إلي مشرحة زنهم جثة هامدة بدون علم أهله، وذكر قسم الشرطة أنه انتحر داخل محبسه بواسطة "حبل" بسبب مشاكل مادية.
وأضافت زوجة المجني عليه، "حالتنا المادية علي ما يرام خاصة أن زوجي صاحب شركة نظافة كبيرة "بحي الزبالين" في منشأة ناصر، وكان يعمل أيضا سمسارًا لاستخراج تراخيص السيارات منذ سنوات طويلة مقابل مبالغ مادية بسيطة".
وتابعت: "قبل القبض عليه بساعتين اتصلت بيه وقالي إنه بيخلص رخص لناس وأول لما يستلمها هيرجع علي البيت علي طول، وبعدها اتأخر اتصلت تاني كان تليفونه أتقفل، اتصل بواحد صاحبه اسأله عليه قالي انه كان معاه بيخلص شغل وأكيد هيرجع".
واستكملت الزوجة وهي في حالة انهيار وبكاء: "الشرطة قبضت عليه الساعة 11 بليل، وكان معاه الرخص وعرفت بعدها إن الشرطة بتقول انه انتحر بحبل كان موجود معاه وهو أصلا مش معاه أي حاجه فيها حبل وهما اللي فضلوا يعذبه فيه لحد ماتوفي وقالوا انتحر بحبل".
واستطردت: "عمره مازعلني مرة واحده في حياتي، ولم أراه في يوم يشرب سيجارة او يتعاطي نوع من المخدرات حرموني أنا وأولاده الصغيرين منه بدون سبب وظلم ربنا يرجعلنا حقه من الضابط اللي قتله".