إنجي شرف: ندمت على دوري في "سلسال الدم"

تبرأت الفنانة إنجى شرف من مسلسل "سلسال الدم" الذى يعرض حاليًا فى جزئه الرابع والأخير.
وكتبت إنجى على صفحتها على "فيس بوك": "فيه مسلسل بيتعرض حاليًا ليا حقيقي أنا بندم إني اشتغلت فيه لأني اتظلمت فيه أوووي في الدور والورق والتتر وفي كل حاجة وما كانش ده الاتفاق ساعة العقد مع المؤلف والإنتاج طبعا".
وأكملت: "ومع ذلك كملت شغلي فيه عشان مصالح وفلوس الناس ماعطلهاش ده بعد طبعًا ما اشتكوني في نقابة المهن التمثيلية إني رافضة أكمل دوري والنقابة كانت في صفي طبعًا".
وتابعت: "اضطريت أكمل شغلي لأني كنت ماضية العقد قبل ما تخلص كل الحلقات كاملة ودي غلطة كبيرة وبدأت تصوير جزء من دوري ولما رجعت لقيت الدور أصبح سطحي ومش مهم في الأحداث واعتذرت أكيد أنا عن الجزء الجديد لنفس المسلسل لأن دوري أقل كتير من إمكانياتي ومكانتي عمري ما حسيت إني ندمت على عمل اشتركت فيه من بدايتي زي ده".
وأضافت الأهم أنا لازم أتأسف كمان لجمهوري على هذا الخطأ الكبير... وأوعدكم إني دايما حاختار كويس أوووي الناس اللي بتعامل معاها واثق فيها وأكون عند حسن ظنكم دايمًا".