احتشد عدد من العاملين بشركة الغزل والنسيج "كايرو قطن سنتر"، أمام البوابة الرئيسية للشركة، صباح اليوم الأحد، محتجين على ما فعلته الشركة معهم وعدم تنفيذ طلب زيادة رواتبه في ظل غلاء المعيشة وزيادة الأسعار التي يعاني منها الموطنين. وقال أشرف محمد، أحد العاملين بقسم الحياكة، ل"المصريون": "الأسعار زادت والمرتبات ضعيفة ولما جينا نطالب بحقوقنا قفلوا باب الشركة وقالونا مفيش شغل النهاردة وإجازة أسبوع بدون مرتب متابعا إحنا كل مطلبنا إن مرتباتنا تتناسب مع غلاء المعيشة اللي إحنا فيها". وأضاف محمود حسين عامل بقسم الحياكة قائلاً: "بقالي 8 شهور شغال والحكومة زودتنا 400 جنيه غلاء معيشة رافضين يدونا الفلوس ومخدتش غير 200 جنيه ومرتبتنا ضعيفة جدًا". وقالت إيمان محمد عاملة: "أنا شغالة في كايرو قطن من حوالي 9 سنين ومرتبي 800 جنيه ولما قبضت لاقيت زيادة بس 35 جنيها من السنة اللي فاتت يعملوا أيه في غلاء الأسعار اللي بنعاني منها". وتابعت وفاء محمد: "بقالي 12 سنة عاملة هنا وباخد مرتب 1300 جنيه وفي الآخر بعد كل ده زودني 200 جنيه وتابعت أنا ليا أضافي بقالي 4 سنين لحد دلوقتي ما أخدتهوش". وأشارت موطنة أخري عاملة في قسم الحياكة أيضًا قائلاً: "مرتبي 1000 جنيه وشغالة من 8 سنين ومعايا أربع أولاد وجالي زيادة 25 جنيه اعمل أيه بيهم دول وتابعت لما طالبنا حقوقنا قفلوا الباب وقالوا إجازة بدون مرتب ومفيش شغل ورددت يرضي مين اللي بيتعمل فينا ده".