بالفيديو والصور.. مواطنون عن انفجار الكاتدرائية: "مش الأخير واللي جاي أكتر"

"هيحصل انفجار تاني، طالما بنفكر بنفس الطريقة اللي إحنا ماشين بيها، الصهاينة والإسرائيليين هما اللي وراء الإرهاب، اللي عمل كده عاوز يعمل فتنة طائفية زى محصل في لبنان".. كانت كلمات رددها مواطنون في الشارع المصري عندما قامت كاميرا "المصريون"، برصد آراء الشارع بعد انفجار الكنيسة البطرسية أمس، الأحد، الذي تعرض له المسيحيون وأسفر عن وقوع شهداء ومصابين.
وقال أحد المواطنين: "هيحصل انفجار مره واثنين وتلاثه عشان إحنا بنفكر بنفس طريقتنا ومفيش تغير.. وفي ناس قلبها أسود وعاوزة تخرب البلد وهدفم ضرب السياحة والاقتصاد".
وأضاف آخر، "الصهاينة والإسرائيليين هما السبب في اللي بيحصل، إسرائيل هي منبع الإرهاب لأنه مش موجود فيها إرهاب ولا بيحصل فيها انفجار".
وشاطر مواطن آخر الحديث قائلًا: "ياريت الشرطة تركز في شغلها لأن هي مش بتدور علي الحاجات اللي تخص الشعب"، متابعًا "إحنا لازم نتحد كلنا مع بعض ونساعد الشرطة والجيش عشان هما لوحدهم مش هيقدروا علي هذه الأزمة واللي عمل كده عاوز يعمل فتنة طائفية زي ما حصل في لبنان".
شاهد الفيديو: