بحبك يا مصر وبحب ترابك.. بحبك فى شيخوختك وشبابك.. بحب كل راجل دافع عن ترابك وكل طبيب عالجك من اللى صابك.. بحب كل مهندس بنالك عمارة.. وكل جزار مابعش لحمة كلبة أو حمارة.. بحب كل حلوانى بيعمل بسبوسة.. وكل مسؤول عمره مامشاها كوسة.. بحب كل قاضى فى حكمه أصاب.. وكل محامى مايكونش نصاب.. بحب كل مصرى بيساعد فى حل البطالة.. وبحب كل العمالة والإيد الشغالة.. بحب كل مصرى رفيع أو تخين.. وكل اللى يكره المخدرات والتدخين.. بحب كل مصرى شريف.. وكل خباز خبز لنا رغيف نظيف.. وبحب الخضار وبالذات الملوخية.. وبالذات لو مكنتش بالمجارى مروية.. وبحب اللحمة أم أسعار نار.. وداخل جمعية عشان أشتريها أول ما ترخص عند الجزار. رامى محمد عريشة- محامى [email protected]