«مخلتي في بيتنا لغاية دلوقتي».. عمرو أديب: إذا كتب علينا القتال كلنا جنودك يا مصر

علق الإعلامي عمرو أديب، على بيان وزارة الخارجية المصرية ردًا على تصريحات رئيس الوزراء الإسرائيلي بنيامين نتنياهو .
وأشار أديب، خلال برنامجه «الحكاية» عبر قناة «mbc مصر»، مساء الجمعة، إلى أن اليوم كان ذروة التوتر في العلاقات بين مصر وإسرائيل.
وقال: «مش عشان في خلاف، فكل الناس تطلع تقولك الحرب، انت عارف الدبابة اللي اشتراها الجيش المصري دي بكام، أنا معاك وخدامك أحارب بكرة كلنا نطلع بالملايين على سيناء… هذه الحالة لازم يحد يعرف يهديها شوية».
وأضاف: «عند قيادتك السياسية، والأشقاء العرب مطلعين بيانات لدعم موقف مصر، الشريك الأمريكي لا يسمح بهذا الأمر، هو مش عارف يوقف الحرب لا في أوكرانيا ولا في غزة، هتطلع له انت كمان وتقوله اتفاقية السلام… السلام له تمن».
وتابع أديب: «على فكرة المصريين على تكة، لكن إحنا مش أغبياء وعارفين مصلحة بلدنا، وعارفين متى نحارب، الحرب هي الشيء الأخير، والجيوش تصنع للردع».
وأكمل: «لو فكرت… هتتنيل على عين أهلك، هنتعور كلنا، إنت لازم تعرف انت بتتكلم عن مين، عن قوة عسكرية عالمية، أرقامها موجودة في العالم، هعور أهلكن إنما مصر تستخدم الحرب في حالتين، لما تخلص كل الوسائل، ولو حد فكر يقرب».
واستطرد: «مصر كلها جيش، إذا كتب علينا القتال كلنا جنودك يا مصر، خدامك، أنا أول في الصف الأولاني، مخلتي في الجيش موجودة لغاية دلوقتي في بيتنا... أنا بس عايزك تبقى فاهم، محدش يسخنك».
وأعربت مصر عن بالغ استهجانها للتصريحات المنسوبة لرئيس الوزراء الإسرائيلي، بشأن تهجير الفلسطينيين خارج أرضهم بما في ذلك عبر معبر رفح، في إطار محاولاته المستمرة لتمديد زمن التصعيد في المنطقة وتكريس عدم الاستقرار لتفادي مواجهة عواقب الانتهاكات الاسرائيلية في غزة داخليا وخارجيًا.
عمرو أديب: لو حصل اي حرب مع مصر هنعور أهلك.. وجرب تقرب.. احنا قوة عالمية وادخل على جلوبال فاير وشو
مجاناً على شاهد
برنامج #الحكاية يعرض من الجمعة - الأثنين الساعة 10:00 مساءً بتوقيت القاهرة على #MBCMASR
لمتابعة البث المباشر https://t.co/uwHwlsCISw pic.twitter.com/j3KDgjN37V
— الحكاية (@Elhekayashow) September 5, 2025