عمرو أديب: «هسأل سؤال وأنا عارف هدفع ثمنه غالي» (فيديو)

قال الإعلامي عمرو أديب، إن مصر يجب أن تعمل بشكل قوي وطموح لجذب الاستثمارات الأجنبية، مشيرًا إلى أن عقلية الحكومة تحتاج إلى تغيير.
وأضاف أديب، خلال برنامجه «الحكاية» عبر قناة «mbc مصر»، مساء الأحد: «ألاحظ الآن الكلام إن لازم نأكل ونشرب الناس، وندفع الديون، والانطباع عام بقى إيه، ربنا كريم والدنيا تمشي».
وتابع: «أرجوكم لا تيأسوا، عايزين نخرج من دائرة الأزمة، انت في حالة أزمة دائمة، مش عايز الكلام بتاع إحنا خارجين بس سنة أو سنتين، يجب يكون في فريق في هذه الحكومة يفكر في كيفية الخروج، يجب تغيير عقلية الدولة مش تأكل وتشرب».
وأكمل: «كل الكلام إيه، الحمد لله بنسدد ديونا والفوائد، الحمد لله النور مش هيقطع السنة دي، من حقنا نقلة بقى… أنا استحملت ليه كشعب سنين، ده مش طموحي، البلدي بحجمها ده مش هتعرف تعيش كده».
وتابع أديب: «هسألكم سؤال وأنا آسف إني هسأله وأنا عارف إني هدفع تمنه غالي، واللي هيسمع السؤال هيفهم ليه؟ آخر مرة سمعت حد كان بيكلمك عن التعليم كان امتى، مش فجأة صمت».
واستطرد: «كان جه وقت كل يوم نتكلم في التعليم، وفجأة صمت، مش بقول إن وزير التعليم معندوش خطط، لكن فجأة صمت، النهارده رئيس الوزراء كان بيتكلم مع وزير الصناعة عن تطوير التعليم الصناعي».
عمرو أديب: هقولكم سؤال والأرزاق على الله.. امتى اخر مرة حد اتكلم على التعليم.. فجأة صمت بعد ما كنا بنتكلم كل يوم
برنامج #الحكاية يعرض الآن على #MBCMASR من الجمعة للاثنين الساعة 10مساءً بتوقيت القاهرة مجاناً على شاهد
https://t.co/uwHwlsCISw pic.twitter.com/hP1z9sX72U
— الحكاية (@Elhekayashow) April 20, 2025
اقرأ أيضًا:
*مدبولي يكشف مصير الموظفين والعمال بعد تأجير المستشفيات الحكومية (فيديو)
*ساويرس يغير محل إقامته إلى إيطاليا.. ما السبب؟
*«الجنيه ب500».. خبير ذهب ينصح بالاستثمار في الفضة (فيديو)