القصة الكاملة لتحويل بدرية طلبة للتحقيق: بدأت بسبب التجاوزات وانتهت ب «دي غلطتي»

هاجمت الفنانة بدرية طلبة، مساء أمس الثلاثاء، متابعيها في بث مباشر، إذ قالت ردًّا على أحد التعليقات وصفها صاحبها ب «المشخصاتية».
وقالت «طلبة» عبر «تيك توك»: «المشخصاتية دي أشكالك بيوقفوها في الشارع وبيقولوها نتصور معاكي يا فنانة، المشخصاتية دي بتشرف بلدها في أي دولة بتروحها، دي غيرة وحقد وحسد على الفنانين عشان هما أسياد البلد».
وأضافت: «بتشوفونا في الشارع تقولولنا عايزين تتصوروا معانا ليه، أنا قاعدة في فيلتي والبسين ورايا، واللي بيطبل بيكون محتاج، أنا مش محتاجة، ووفاء عامر قاعدة في فيلتها، قاهركوا إننا بنمثل ومعانا ملايين، وبرضه بندخل التيك توك نجيب فلوس».
وقرّر مجلس نقابة المهن التمثيلية، اليوم الأربعاء، برئاسة دكتور أشرف زكي، تحويل الفنانة بدرية طلبة، للتحقيق فورًا، وذلك بالإجماع، نظرًا لما صدر منها من تجاوز صارخ، مؤكدًا اتخاذ كافة الإجراءات القانونية ضد أي فنان سيخرج عن ميثاق الشرف الأخلاقي.
وفي أول تعليق من الفنانة بدرية طلبة، كتبت عبر «فيسبوك»: «اعتذار واجب لجمهوري المحترم اللي بيحبني، وأنا تحت أمر نقابتي لأن أنا فعلا غلطانة إني أنساق ورا كتائب إلكترونية مأجورة، لا يمثلون الشعب المصري واديتهم فرصة يستغلوا فيديوهات، ويختزلوا منها ويستخدموها ضدي لعمل فجوة بيني وبين جمهور محترم، حتى لما حبيت أعتذر للجمهور اللي بيحبني قدمت اعتذار بعصبية، لأنهم برضو دخلوا استفزوني وانسقت تاني وراهم».
وأضافت: «دى غلطتى كان لازم أكون أهدا من كده، وأكيد اللي بيحبوني هيلتمسوا لي العذر، بكرر أسفي واعتذاري للجمهور اللي كان سبب في وجودي، ولا يمكن أغلط في ناس بتحبني وهما سبب في اللي أنا فيه، ومن فضلكم متصدقوش اللي شفتوه لأن الفيديوهات كاملة موجودة على صفحتي، والحمد لله أن هيتم تحقيق في نقابتي، أقدر أثبت فيه كلامى بعيدًا عن أي توتر واستفزاز من حد، وكل التقدير والحب والاحترام لجمهوري الحبيب».
اقرأ أيضًا:
أشرف زكي: تحويل بدرية طلبة للتحقيق لما صدر منها من تجاوزات (تفاصيل)
«غلطانة وتحت أمر النقابة».. أول تعليق من بدرية طلبة بعد تحويلها للتحقيق