«خليتوا اللي ما يسواش يتكلم».. المنيسي يلوم على لاعبي الأهلي بعد تصريحات ميدو

وجه إبراهيم المنيسي، رئيس تحرير مجلة الأهلي ومقدم برنامج ملك وكتابة عبر قناة النادي، رسالة لوم إلى لاعبي الفريق، بعد تصريحات أحمد حسام ميدو، عضو لجنة التخطيط بنادي الزمالك.
وكان ميدو قد أثار الجدل بتصريحات تلفيزيونية قال فيها بإن لاعبي الأهلي ظهورا وكأنهم يفتقدون لأساسيات كرة القدم، بعد الهزيمة من بالميراس بهدفين دون رد، في كأس العالم للأندية.
وقال إبراهيم المنيسي عبر قناته على منصة «يوتيوب»: «شوفت فيديو ل محمد بركات وسيد عبدالحفيظ في الرد على أحمد حسام ميدو، لما يبقى لاعيبة الأهلي معندهاش أساسيات الكرة يبقى النظام عامل إزاي».
وأضاف: «لكن أرجع أقول للاعيبة إنتوا اللي حطيتوا نفسكم في الموقف ده، وإن اللي يسوا وما يسواش يتكلم عليكم بالتقليل من قيمتكم وشأنكم».
وأكمل: «كتير منكم موجودين عشان أفضل لاعيبة في القارة مش مصر بس، مش هقوله إن زيزو كان أحسن لاعب في مصر ولا إمام عاشور في أفريقيا ولا بن شرقي وبن قلبي، الفريق مليان نجوم وعناصر دولية محترمة».
وتابع: «لاعيبة الأهلي اللي مسؤولة تحافظ على كبرياء النادي وهما اللي المفروض ينتفضوا دفاعًا عن اسمهم وقيمتهم».