بعد سقوط الأهلي فى فخ الجونة ..ميدو الترزي اللي بيفصلكو الدوري ورطكم تاني ..جدو : لعيبة الأهلي كانت بتصيف فى الجونة وصلاح محسن مش فارقة معاه

جاء سقوط الأهلي فى فخ التعادل مع فريق الجونة ، أحد الفرق التى تصارع على البقاء فى الدوري ليجبر المحللين على مهاجمة إدارة الأهلي ولاعبيه
ميدو للأهلي: "الترزي" اللي بيفصلكوا ورطكوا في الدوري

علق أحمد حسام ميدو بشكل ساخر على تعادل الأهلي مع الجونة سلبيا في الدوري الممتاز هذا الموسم.

قال ميدو في تصريحاته عبر برنامج الريمونتادا على قناة المحور: "الترزي خسر الأهلي الدوري السنة اللي فاتت مع رجولة لعيبة الزمالك، اعرفوا انتوا بقى مين الترزي اللي بيفصل الماتشات".
أضاف: "الترزي اللي بيفصل للأهلي خد مقاستكوا غلط، والبدلة طلعت ضيفة عليكوا، وده حصل السنة اللي فاتت، والسنة دي الترزي لسة بيورطكوا وعمل مقاس البدلة غلط" وختم حديثه قائلا: "الكلام واضح شوفوا مين الترزي اللي ورط الأهلي وخلاه يفقد نقاط كتير في الدوري بعد تأجيل مبارياته"
جدو ساخرا: لاعيبة الأهلي كانت "بتصيف" في الجونة
سخر محمد ناجي جدو، لاعب الأهلي السابق، من أداء لاعبي الفريق الأول لكرة القدم بالنادي الأهلي، بعد التعادل مع الجونة سلبيا في إطار منافسات الدوري الممتاز هذا الموسم.وقال جدو في تصريحاته عبر برنامج الريمونتادا على قناة المحور: "لاعيبة الأهلي كانت بتصيف في الجونة، مكانتش رايحة تلعب ماتش ده اللي انا شوفته".
وأضاف: "الأسبوع الجاي هيبقى فاصل وحاسم لمشوار الأهلي في الموسم، سواء في الدوري أو في الكأس" وختم حديثه قائلا: "لاعيبة الأهلي بتضيع فرص سهلة جدا، وأمام المرمى"
جدو: صلاح محسن "مستهتر" ومش فارقة معاه
فتح محمد ناجي جدو، لاعب الأهلي السابق، النار على صلاح محسن لاعب فريق الكرة الأول بالنادي الأهلي، بعد إهداره للعديد من الفرص السهلة خلال تعادل الأهلي مع الجونة في الدوري الممتاز هذا الموسم.

قال جدو في تصريحاته عبر برنامج الريمونتادا على قناة المحور: "صلاح محسن بيضيع فرص غريبة، وتحسه مش فارقة معاه وبيعامل الفرص اللي بتجيله باستهتار" .
وختم حديثه قائلا: "لازم صلاح محسن يفوق ويشتغل على نفسه وتركيزه يكون أكبر خاصة أمام المرمى، صلاح محتاج يحسن قراراته، ومينفعش تبقى لاعب في الأهلي ومتتصرفش مع الفرص اللي بتجيلك سبت ايه للاعيبة الدرجة الثانية؟"
ضياء السيد يوجه رسالة نارية للاعبي الأهلي بعد التعادل مع الجونة
وجه ضياء السيد المدرب العام السابق لمنتخب مصر الوطني رسالة خاصة للاعبي الأهلي بعد التعادل مع الجونة سلبيا في الدوري الممتاز هذا الموسم.

قال ضياء السيد في تصريحاته عبر برنامج الريمونتادا على قناة المحور: "في ضغط على لاعيبة الأهلي، لكن رد فعل اللاعيبة لازم يكون أقوى من كدة".

أضاف: "لازم يكون عندهم رغبة وتركيز أكبر خاصة في استغلال الفرص أمام المرمى".
وختم حديثه قائلا: "الكرة دلوقتي في ملعب لعيبة الأهلي مش المدرب اللي لسة جاي وملحقش يشتغل".