«الناس تحررت من الحجاب والفنان مش قدوة».. أبرز تصريحات أحمد الفيشاوي خلال لقائه مع عباس أبوالحسن (فيديو)

استضاف الفنان عباس أبوالحسن، الفنان أحمد الفيشاوي، في حلقة من برنامجه «حوارات مع عباس»، وتحدث «الفيشاوي» عن أعماله وتجاربه في الغناء وتقديم البرامج، وفيما يلي نرصد أبرز تصريحات أحمد الفيشاوي:
- عندي طموحات كمخرج ده شغفي وحبي وعشقي، وطول عمري بحلم أكون ورا الكاميرا مش قدامها.
- أنا ممثل وبكبر في السن ومع الوقت الطلب بيقل.
- الإخراج هو اللي مخليني عايش، ولو مش بصنع أفلام أحسنلي أموت.
- يوسف شاهين قالي المسلسل زي الجورنال تقراه وتمسح بيه الزجاج، لكن الفيلم زي الكتاب بتحطه في مكتبتك وتقدسه.
- الناس بدأت تتحرر من الحجاب والنقاب وبدأوا يعبروا عن نفسهم من غير ما حد يقول حرام.
- معظم ممثلين مصر عاملين تاتو دلوقتي.
- أنا أول ممثل يقول راب بالمصرية في فيلم ورقة شفرة.
- وابتديت سنة 1993 وكنت بكتب الراب وقتها.
- مينفعش أقول على الفنان قدوة لأن مش كل فنان كده، ممكن تقتدي بشخص بيحترم الناس وبيخلي باله من نفسه.
- الفنان اتعمل عشان يسلي الناس مش عشان يبقى شيخ أو قديس.
اقرأ ايضاً
أحمد الفيشاوي: «كنت بدخل على أبويا وأمي وأقولهم التمثيل حرام وكفر» (فيديو)