شوبير يوضح موقف أحمد عبدالقادر من العودة إلى الأهلي

كشف الإعلامي أحمد شوبير موقف جناح الفريق الكروي الأول بالنادي الأهلي أحمد عبدالقادر من العودة إلى القلعة الحمراء خلال الفترة المقبلة.
وقال أحمد شوبير: «أحمد عبدالقادر راح النادي الأهلي مرة واحدة عقب عودته من قطر، لإنه كان مصاب وقالوا له لما نرجع من كأس العالم للأندية هنقعد ونتكلم ونشوف الدنيا شكلها عامل إزاي».
وأوضح شوبير: «هل هيستمر أحمد عبدالقادر مع الأهلي، سؤال صعب ما هو برضه الدنيا بقت زحمة في مركز الجناح الأيسر وهو بيلعب كمان تحت رأس الحربة بس برضه عندك هيصة في المكان ده».
وأضاف شوبير: «بس أحمد عبدالقادر لاعيب موهوب ولاعيب مهم جدا، وهو فريقه القطري وجه خلاص الشكر له فعاد خلاص للأهلي أيه اللي هيحصل ده سؤال محدش يعرف له إجابة».
ولعب أحمد عبدالقادر في الموسم الماضي على سبيل الإعارة في صفوف قطر القطري وانتهت إعارته بنهاية الموسم الجاري.