«الناس مش عبيطة».. أحمد سليمان ينفعل على مهيب عبدالهادي بعد أزمة قرار الانضباط

انفعل أحمد سليمان، عضو مجلس إدارة الزمالك، على الإعلامي مهيب عبدالهادي، مقدم برنامج «اللعيب»، أثناء الحديث عن أزمة مباراة القمة.
وأيدت لجنة الانضباط في بيانها الأخير، قرار رابطة الأندية، بالاكتفاء بخصم 3 نقاط من الأهلي واعتباره مهزومًا، بالخسارة من الزمالك، للانسحاب من القمة، وعدم خصم 3 نقاط إضافية بنهاية الموسم.
وقال أحمد سليمان: «المؤشرات بتقول في توقع للقرار واللي قايلاه الانضباط في الآخر كارثة إن مفيش اختصاص بعد مناقشة الناس وبعد ما قرأ وخلص يقولك أنا مش مختص».
وأضاف: «الموافقة على اللائحة بتواجد الأندية؟ ده الفيلم اللي بيتعمل معانا بنروح وبنوقع على اللائحة، اللائحة قانون دستور وهي أصغر جزء في القانون والأقوى الدستور».
وأكمل: «قرار الأمس قرار فاشل طب أنت سوفت ليه 3 أسابيع، الناس مش عبيطة، لازم تحترم عقلية الناس، الناس شايفه في تسويف لغرض ما استنى المنافسة للآخر».
وزاد: «اللي طلعت محترمة اللجنة الأوليمبية مفيش كام يوم وطلعت قرار، لكن الانضباط وبعد كل ده قالت غير مختص أنت بتضحك علي».
وأثناء الحديث توجه مهيب عبدالهادي مقدم البرنامج بسؤال آخر «رأيك في أداء محمد عواد أمام بيراميدز؟»، ليرد أحمد سليمان بانفعال: «أنت مش مقتنع بالكلام اللي أنا بقوله، بتغير الموضوع، أنا بقولك أنا راجل قانون، مش أنت إعلامي؟!، دي مشكلة الإعلام في مصر».