المتهم الرئيسي ب قتل شقيق محامِ على الدائري في القليوبية: «كنت محتاج فلوس»

لم يكن مجرد حادث سرقة عابر، بل جريمة نفذها أصحابها بدم بارد، انتهت بمقتل «خالد التميمي» شقيق محامٍ شهير، على الطريق الدائري بمنطقة مسطرد في القليوبية.
نص اعترافات المتهم الرئيسي في قتل شقيق محامِ بالقليوبية
«أحمد.ر» كهربائي سيارات، لم يتردد في سحب الزناد، ولم يمنعه توسّل الضحية أو شهادته الأخيرة من إتمام ما بدأه. جلس أمام المحققين، يسرد التفاصيل بلا تلعثم، وكأن ما فعله لم يكن سوى خطوة أخرى في عالم السرقة بالإكراه... «المصري اليوم» حصلت على نص اعترافات المتهم الرئيسي، التي تكشف كيف تحولت حاجته إلى المال إلى لحظة فارقة، لم تغير مصير الضحية فقط، بل رسمت طريقًا لمصير قاتله أيضًا.
المتهم «أحمد»، روى تفاصيل الجريمة قائلًا: «اللي حصل بالضبط إني من حوالي 10 أيام كان يوم ثلاثاء كلمت (خالد.ع.م)، وقولتله يلا نطلع نشتغل على الدائري علشان محتاج فلوس قاللي تمام، وكمان كلمت (يوسف.إ) وقولتله هنشتغل قاللي ماشي، روحت قابلت (خالد) بالمكنة بتاعتي وهو ساق، وطلعنا على الدائري ناحية نزلة الخصوص وقابلنا (يوسف) وركب معانا في النص، ومشينا عكس الاتجاه نزلة مسطرد، وكان فيه واحد واقف بيتكلم في الموبايل روحنا قربنا منه وسرقت منه الموبايل وجرينا، وهو معرفش يمسكنا أو حتى يجري ورانا وفجأة لقيت «توك توك» بيجري ورانا فأنا طلعت الفرد الخرطوش اللي كان معايا ورفعته في وشهم كنت بحسب إن حد بيجري ورانا فأنا طلعت الفرد الخرطوش اللي كان معايا ورفعته في وشهم كنت بحسب إن حد بيجري ورانا أو قاطع علينا بس لقيت واحد طلع من «التوك توك» وفضل يقول أنا (مصطفى بصلة يلا)».
اقرأ أيضًا| «مش معايا حاجة والله».. اعترافات متهم ب قتل شقيق محام على الدائري تكشف معاناة الضحية
وأضاف المتهم: «فاتطمنت ودخلت الفرد تاني في جنبي، ووقفنا دقيقة سلمنا على بعض واتفقنا إننا هنطلع نشتغل سوا نسرق موبايلات، وفضلنا ماشيين ورا بعض وأنا كنت سرقت اتنين تاني، وهما سرقوا واحد بس واتقابلنا عند نزلة مسطرد، ونزلت أنا واللي معايا بالمكنة عكس الاتجاه و«التوك توك» والرجالة اللي فيه كانوا قصادي بالمكنة، وأول ما نزلت شوفت واحد ماشي ناحية مسطرد وكان بيتكلم في الموبايل، فنديت على «مصطفى» وقولتله يلا بينا نعمل واحدة «إكراه» قاللي ماشي، روحت أنا نازل من على المكنة والفرد الخرطوش كنت حاطه في ضهري ودخلت على الراجل، وسألته قولتله هو فين نزلة مسطرد راح ساب المكالمة اللي كانت معاه على التليفون».
وتابع المتهم الرئيسي في واقعة قتل شقيق محامِ: «فضل يقولي امشي إزاي، وهو بيشرحلي الطريق وبيتكلم معايا روحت مطلع الفرد الخرطوش من ورا ظهري وقولتله هات الشنطة (يا ابن...) والموبايل وكل اللي في جيبك، راح فضل يزعق ويقولي: (إلحقوني حرامي حرامي)، وأنا فضلت أزغد فيه بالفرد وهو فضل ماسك في الشنطة وعمال يزعق، روحت ببطن الفرد فضلت اضرب في دماغه من ورا وبرضوا مكنش عاوز يسيب الشنطة، راح قاللي أنا عارفك على فكرة وأنت من مسطرد وهبلغ عليك فخوفت أحسن اتحبس روحت ضربته الطلقة في صدره ووقع في الأرض وقتها غرقان في دمه، وفضل يقول: (أشهد أن لا إله إلا الله وأشهد أن محمد رسول الله)، وقالها أكتر من مرة، وأنا روحت نزلت عليه شديت الشنطة من صدره وأخذتها وركبت الموتوسكيل».
اقرأ أيضًا| «عصابة الدائري» يقتلون شقيق محام بعد تحذيره: «هبلغ عنكم» (نص التحقيقات)
واختتم بقوله: «وقتها كان فيه عربيات معدية بدأت تاخد بالها راح (مصطفى) نزل من (التوك توك) وعدى نص الطريق وضرب طلقة في الجو علشان الناس تخاف مننا ومحدش يمسكنا أو يقرب مننا، وهربنا من المكان روحنا بيعنا الموبايلات اللي كنا سرقناها في المؤسسة، وكل وحد كان نصيبه في الطالعة دي 1200 جنيه، وبعدها تاني يوم لقيت مباحث جم لي الورشة اللي أنا شغال فيها في مسطرد».
اقرأ أيضًا|
«سرقوا 40 جنيه وقتلوه».. تفاصيل اللحظات الأخيرة في حياة شاب على الدائري: «مش معايا حاجة سيبوني»
«ضربة واحدة.. طلقة واحدة.. والراجل وقع قدامنا».. اعترافات المتهم الثاني بقتل شقيق محامِ في القليوبية
«قالي هاخده إكراه».. جزار يعترف على شريكه بقتل شقيق محام