«واحد وواحدة كانوا مسخنينه».. سالي عبدالسلام: انفصلت عن زوجي 3 شهور ورجعنا (تفاصيل)

أعربت الإعلامية سالي عبدالسلام، عن حبها للفنانة هنا الزاهد، قائلة: «قلبها أبيض، وسلامها حلو، ومرة سلمتها الجائزة في وشوشة وقبلتني على المسرح، وربنا يوفقها، لكن اللي هيجي جنب عيلتي هاكله، إلا الدم».
وأضافت عبدالسلام خلال حوارها مع الإعلامية بسمة وهبة، مقدمة برنامج «العرافة»، عبر قناتي النهار والمحور: «هنا الزاهد طيبة جدا، بس ربنا يوفقهم كلهم، ومليش تعليق على أي حاجة خاصة».
وعن حياتها الشخصية، قالت الإعلامية: «أنا كنت منفصلة 3 شهور بس متطلقتش، وكان في واحد وواحدة مسخنين جوزي عليا وعادي بتحصل مشكلات في البيت، هو مستوعبنيش لما قلت له مش عاوزة أبقى مع حد، فهو فهمني غلط، ولما قلت له اتطلق قالي نتكلم ولا نتطلق، قلت له نتطلق، فقال لي خلاص نتكلم، وأنا فرحت وكنت مستنياه من بدري وقعدت بيه طول عمري لأنه ضابط يخدم الناس والغلابة ويستخدم سلطته بشكل صحيح».
يشار إلى أن الفنانة هنا الزاهد طليقة الفنان أحمد فهمي شقيق الفنان كريم فهمي، زوج ابن خالتها دانيا، وتوترت العلاقات بين هنا وأحمد فهمي بعد الطلاق، وتم تبادل بعض التصريحات بين هنا الزاهد وأسرة أحمد فهمي عقب وقوع الطلاق.