أحمد العوضي: «أنا مُتسلط في علاقات الحب.. واللي بيتكسر مستحيل يتصلح» (فيديو)

كشف الفنان أحمد العوضي عن أسوأ صفاته وهي التسلط، موضحًا أنها تسببت في خلافات خلال علاقات الحب التي عاشها، وأكد «العوضي» أن خير وسيلة للانتقام من شخص تسبب له في أذى هي النجاح.
وقال أحمد العوضي في تصريحات لبرنامج «مش شنطة رمضان»، المعروض على «Gossips»: «أكثر صفة الطرف الثاني بيشتكي مني بسببها في أي علاقة حب هي التسلط، لأني ببقى متسلط وبتحكم في الطرف الثاني، والمعاملة والمسايسة هم اللي بيخلوا الناس تحبني، لأن الكلمة الحلوة بتريح، وتقرب الناس مني».
وأضاف: «فيه حاجات حاجات معينة بعلاقتي مع البني آدمين لما تتكسر مش بتتصلح،و حتى لو اتصلحت بتكون قابلة إنها تتكسر في أقل موقف يحصل بعد كدة،و أي علاقة بتبقى قائمة على الثقة لأن هو اللي بيربط البني آدمين ببعضهم».
وتابع: «أنا مبحبش فكرة الانتقام لأنها بتاخد من طاقة البني آدم، لأن لما أكرّس وقتي عشان انتقم من حد دا بياخد من طاقتي،كدة هو اللي بيأذيني مش أنا اللي بأذيه، النجاح هو أفضل وسيلة للانتقام لو عايز أنتقم من حد معين بنجح».
View this post on Instagram
A post shared by Gossips (@gossipsonline_)
صناع مسلسل «فهد البطل»
ويخوض أحمد العوضي، السباق الرمضاني 2025 بمسلسل «فهد البطل»، ويشارك في بطولته:ميرنا نور الدين، أحمد عبدالعزيز، كارولين عزمي، يارا السكري، لوسي، صفوة، محمود البزاوي، حجاج عبدالعظيم، أحمد ماجد، عصام السقا، وصفاء الطوخي، ومن تأليف محمود حمدان وإخراج محمد عبدالسلام، وتدور أحداثه في إطار اجتماعي شعبي.
اقرأ ايضًا
أحمد العوضي ضيف برنامج المقالب رامز إيلون مصر في رمضان 2025