«مصدر أمان».. ليلى زاهر تتحدث عن علاقتها بخطيبها هشام جمال

تحدثت الفنانة الشابة ليلى أحمد زاهر عن خطيبها الفنان هشام جمال، وعلاقتهما معًا منذ الصداقة حتى الارتباط.
ليلى أحمد زاهر وهشام جمال
وقالت ليلى زاهر في بودكاست «موضوع عائلي» مع صدقي صخر: «لما بتلاقي حد خايف عليك بجد من قلبه ومحترم أوي وبيحافظ عليك زي ما أبوك طول عمره عاش حياته كلها واشتغل وتعب عشان يحافظ عليك، لما تلاقي حد مصدر الأمان في الحياة خلاص مش بتبقى عايز حاجة تانية».
وتابعت ليلى حديثها قائلة: «أنا طول الوقت مطمنة هو مصدر أمان بالنسبة ليا وحاجة مهمة أوي، بحترم علاقتنا وبحبها وببقى عايزة دايما أحافظ عليها وهو كمان، وأهم حاجة الواحد يعرف إزاي يحافظ على العلاقة من دون تدخل أي حد في الحياة أيا كان هو مين، يعني لو في مشكلة بيني وبينه المشكلة دي هتخلص ما بينا مش هتخرج برا عننا».
وأكملت ليلى أحمد زاهر: «بحب في هشام أوي أن هو بيسمعني وبيسبني أتكلم، مش شرط طول الوقت نكون بنفكر بالمنطق، أنا دايما بقوله شكرا أنك بتسمعني، أنا وهشام أصحاب ونعرف بعض بقالنا كتير واشتغلنا مع بعض وعدينا بمواقف كتيرة، أنا أتعلمت منه كتير جدا إحنا كنا أصحاب الأول وبعدين حبينا بعض».
واختتمت ليلى أحمد زاهر حديثها عن هشام جمال: «من ساعة ما حبيت هشام جمال اتعلمت منه حاجات كتير جدا وغير في شخصيتي للأحسن ومخي نضج أكتر وبقيت بعرف أعبر أكتر عن مشاعري مع كل اللي حواليا ومعاه، الحب جميل».
اقرأ أيضًا:
أول ظهور ل هشام جمال مع ليلى زاهر بعد شائعات انفصالهما (فيديو)
أحمد زاهر يحتفل بتتويج الأهلي بكأس السوبر: «رجالة الأهلي جامدين»