«هغنلكم ببلاش».. تامر حسني يدعم أصغر المتسابقين في «شارك تانك» (فيديو)

شارك الفنان تامر حسني مقطع فيديو، دعم من خلاله أصغر المتسابقين المتقدمين لبرنامج «شارك تانك»، حيث وصل عمرهم إلى 12 عاما فقط، ويستثمرون في براند ملابس باسم حاوي ورحبت بهم لجنة التحكيم بشكل كبير، وأعربوا عن اعجابهم الشديد ب تفكيرهم في هذا المشروع بهذا العمر الصغير.
ونشر تامر حسني الفيديو عبر حسابه الرسمي بموقع التواصل الاجتماعى «انستجرام»، وعلق قائلا: «الولاد الصغيرين دول محتاجين تحية كبيرة مننا كلنا والتحية ليهم ولمدرستهم ولأهاليهم وكل الشكر لshark tan انا أحب أقدم كل الدعم ليهم أنا جاهز أحضر حفل افتتاح البراند وأغني free».
وأضاف: «لو سمحتوا أبعتولي لبسكم أو قولولي بيتباع فين عشان أتصور بيه أنا وآدم وتاليه وأمايا ولادي ونعملكم اعلان برضو مجاني».
وتابع: «ياريت الجيل الصغير يتأثر بالولاد دول ويجتهد ويفكر زيهم بدال ضياع الوقت عالفاضي أو قدام التليفونات والآي باد بدون هدف أو تطور.. بجد الأهالي لازم تاخد وقفه مع ولادهم بعد الڤيديو ده ويعرفوا إن السن الصغير ده مبقوش أطفآل وينفع ينجحوا فيه أوي».
عرض هذا المنشور على Instagram
‏تمت مشاركة منشور بواسطة ‏Tamer Hosny‏ (@‏tamerhosny‏)‏