«100 مليون؟».. تعليق مثير من نجم الزمالك السابق بشأن تجديد زيزو وسبب رحيل أوباما

لا يزال الحديث يتواصل بشأن ملف تجديد عقد أحمد زيزو، نجم الزمالك، في ظل وجود اهتمامات من أندية أخرى للظفر بخدماته.
وفي هذا الصدد تحدث طارق يحيى، نجم الزمالك السابق، قائلًا: «ملف زيزو صعب لأسباب كتير جدًا، وأنا معرفش الكلام اللي بيتقال إنه طالب 100 مليون جنيه ده صح ولا غلط؟».
وأضاف عبر إذاعة «أون سبورت إف إم»: «زيزو مطلوب في كثير من الأندية سواء في مصر أو خارج مصر، ودلوقتي عشان تجدد معاه بالمبلغ ده هيكون في مشكلة في أوضة اللبس».
وأكمل: «ولو أنت بعت زيزو دي كارثة فنية لنادي الزمالك، الموضوع عند زيزو نفسه وهو اللي هيقرر. المشكلة في المقابل المالي واللي معروض عليه من بره مبلغ خرافي مش هيقدر الزمالك يدفعه».
وتابع: «وأنت دلوقتي في تجديد زيزو مرتبط ب أوضة اللبس، ولو رفعت سقف الفلوس هتحصل مشكلة».
وبشأن سبب رحيل يوسف أوباما عن الزمالك، قال طارق يحيى: «أوباما مرحلش عن الزمالك بسبب طلبه الحصول على 12 مليون جنيه، دي وجهة نظر جوزيه جوميز»
وزاد: «ممشيش عشان فلوس والكلام ده محصلش، لكن من وجهة نظر جوميز إنه مش هينفع يكون موجود في الفريق».