«مصيبة».. شوبير عن التزوير في أعمار اللاعبين وإلغاء معسكر منتخب مصر 2009

ألقى الإعلامي أحمد شوبير حارس مرمى الأهلي ومنتخب مصر السابق الضوء على أزمة التسنين والتزوير في أعمار اللاعبين المشتعلة حاليا في الكرة المصرية.
وقال أحمد شوبير في تصريحات إذاعية اليوم الثلاثاء: «الحقيقة بقالي فترة بكلم هنا عن اللاعيبة المسننة في عدد من الأندية وقلت 10 لاعبين بالأسماء في أنديتهم وتم استبعادهم من منتخب 2008 والحقيقة مستغرب جدا من موقف اتحاد الكرة إزاي حضرتك عندك 10 لاعبين استبعدتهم من المنتخب لإن أعمارهم فيها تزوير وفي نفس الوقت مخليهم يلعبوا في مسابقات الناشسئين».
اقرأ أيضًا: «كفاية واهدوا شوية».. شوبير يوجه رسالة نارية إلى لجنة الحكام
وتابع أحمد شوبير: «فيه أولياء أمور مموتة نفسها وراه عيالها من صغرهم وتدريب وجهد وييجي واحد ضارب سنتين ثلاثة ويلعب ولا احترام لمجهود الناس دي، فتحصل كارثة أكبر»ز
وأضاف شوبير: «وكل يوم أنا بشيد بكابتن علاء نبيل لإنه داخل في عش الدبابير واشتغل كثير في قطاعات الناشئين وعنده خبرات وبيخاف ربنا ومن ساعة ما تولى منصب المدير الفني لاتحاد الكرة وهو بيشتغل على ملف التسنين ده بشكل قوي».
وأوضح شوبير: «علاء نبيل ألغى معسكر منتخب مصر مواليد 2009 لإنه اكتشف كارثة عنده 70 اسم منهم 60 أعمارهم غير صحيحة يادي المصيبة يا دي الكارثة 60 من 70 أعمارهم غير صحيحة يا جماعة ده مقبول ده كلام غريب جدا أنا مذهول جدا والله».
وأضاف شوبير: «فين بقه الأكشن اللي خده اتحاد الكرة فين رد الفعل..؟ هتسيبهم يلعبوا في مسابقاتهم يبقى الولد المفروض 15 سنة مواليد 2009 ويبقى بيلعب وعنده 18 سنة و19 سنة القصة مش قصة بطولة لكن لازم التكافؤ وتساوي الفرص ما ينفعش حد مزور ياخد مكان لاعب مجتهد وأهلوا تعبوا معاه كثير».
واختتم: «وعلى فكرة اللاعيبة المسننة دي ما بتنجحش لما تكبر وبتفشل في الدرجات الأكبر، ولازم اتحاد الكرة ياخد قرارت صارمة ياعم أوقف النتائج وأوقف قيد للأندية اللي فيها لاعيبة مسننة أيه المانع يعني».