منهم إمام عاشور وعمر جابر.. تصريحات نارية من ميدو بشأن اختيارات حسام حسن

علق أحمد حسام ميدو، نجم نادي الزمالك ومنتخب مصر السابق، على اختيارات حسام حسن المدير الفني لمنتخب مصر، ل قائمة الفراعنة استعدادًا لمباراتي موريتانيا في 11 و15 أكتوبر الجاري.
وقال ميدو في تصريحات تليفزيونية عبر برنامج الهدف المذاع على أون تايم سبورتس: «في رأيي استبعاد إمام عاشور مستحق، لو جينا قيسنا المستويات اللي بيقدمها الفترة الماضية هنلاقي متراجع، وكمان اعتقد حسام حسن شاف أن إمام عاشور سيكون غاضب في حال جابه وملعبش أساسي».
وأضاف: «الجانب الكويس أن لو المدرب مقتنع بلعيب فلازم يعنفه عشان يثبت نفسه ويرجع وده اللي عمله حسام حسن مع إمام عاشور، لأن اللاعب لو ضامن مركزه وأنه هيلعب أساسي فبالنسباله مفيش شغف».
وأكمل نجم الزمالك السابق: «عمر جابر عمل كل حاجة أنه يبقى موجود في المنتخب، ولكن ككورة عمر جابر كان لازم يكون في منتخب مصر حتى لو محمد هاني متصابش، لأنه في المباريات الأخيرة أحسن لاعب في الزمالك».
وزاد: «عمر جابر فيه ميزة مهمة جدًا، وهو مش بيعمل صداع للمدرب أن دربته في الزمالك وعمره ماشتكى أنه بيقعد دكة، أو حد ظهر جزء صغير من ده، وكمان اللاعب بيفضل مركز عشان لو نزل دقيقة يثبت نفسه».
وبالنسبة ل سام مرسي أنا مش متخيل أبدًا أن لعيب بيلعب أساسي في الدوري الإنجليزي وكابتن فرقته أنه ميكونش في قائمة منتخب مصر، وأيضًا زي عمر جابر لازم سام يكون موجود في قائمة منتخب مصر.