«الأسرار في الأهلي بتموت مع صاحبها».. سيف زاهر يوجه رسالة نارية لمترجم كولر

وجه الإعلامي سيف زاهر رسالة نارية إلى خالد الجوادي المترجم السابق للمدرب السويسري مارسيل كولر المدير الفني لفريق الكرة الأول بالنادي الأهلي في أعقاب التصريحات التي اطلقها في الساعات الماضية وكشف خلالها الكثير من الأسرار داخل القلعة الحمراء.
وقال سيف زاهر: «إمبارح خالد الجوادي خلى جمهور الأهلي يثق بشكل كامل في مجلس إدارة النادي الأهلي وهما عندهم كجمهور دائما قناعات إن الخطيب مش هياخد أي قرار غير لمصلحة النادي».
للمزيد: «لو كلامك صح طلع صورة العقد».. رد ناري من الأهلي على مترجم كولر
وأوضح سيف زاهر: «اللي اتقال إمبارح والطريقة والإسلوب ناس كثير انتقدته بس أنا مش من أصحاب المدرسة دي ولكن عايز أقول له المكان اللي حضرتك بتتكلم عليه مش ده سيستمه النادي الأهلي مش بتاع الحاجات دي، الأهلي ممكن تخرج منه النهاردة ترجع بكره».
وتابع سيف زاهر: «مبدأ النادي الأهلي الدائم مفيش أسرار بتطلع الأسرار بتموت مع صاحبها شوفوا لدرجة أيه، والكلام ده من أيام الفريق مرتجي والراحل ثابت البطل والكابتن صالح سليم وغيرهم كثير مفيش أي حاجة تحصل يقولوها ومش هيحكيها لو عدى 100 سنة».
وضرب سيف زاهر مثالا بسيد عبدالحفيظ مضيفا: «سيد عبدالحفيظ اللي مشي والناس حاسة إنه اتظلم عمره ما خرج في حتة إلا واكلم بكل تقدير عن النادي الأهلي وعمره ما جاب سيرة عن أي كواليس ولا أيه اللي كان بيحصل جوه النادي».