«بطلوا شماعة الحكام دي».. شوبير: اللي بيهاجم الأهلي غيران منه

تغنى أحمد شوبير حارس مرمى الأهلي ومنتخب مصر السابق بالأداء الذي قدمه الفريق الأحمر أمام نظيره طلائع الجيش في المباراة التي جمعت بين الفريقين مساء أمس الإثنين.
وقدم الأهلي مباراة كبيرة أمام الطلائع ونجح في الفوز بأربعة أهداف للاشيء ليواصل سعيه الجاد نحو استعادة قمة جدول الترتيب.
للمزيد: «مش عايز تلعب انسحب».. شوبير يكشف كواليس خناقة اتحاد الكرة وبيراميدز
وقال أحمد شوبير في تصريحات له اليوم الإثنين: «الأهلي قد يكون مش هو الأفضل فنيا في أوقات كثيرة لكنه الأفضل تنظيميا وكل اللي يهاجموا الأهلي وكل اللي بيشتموا الأهلي من جواهم بيقول لك يا ريتنا نبقى زي الأهلي في نظامه وانضباطه، سيبك من كل اللي بيتقال هي بتبقى غيرة مش أكثر أو بتبقى شماعة أكثر لتعليق فشلهم عليها».
وأوضح شوبير: «تلاقي اللي ييجي يقول لك أي حاجة وخلاص الأهلي بيكسب بالحكام، يا راجل الأهلي 43 بطولة دوري كام بطولة كاس 11 بطولة افريقيا ثالث كأس العالم للأندية، بطولات وأرقام كبيرة جدا، والأهلي في الكرة الطائرة واليد وكرة السلة بيكسب بالحكام برضه وكل الأرقام القياسية دي بالحكام».
اقرأ أيضًا: نجم الأهلي السابق ينتقد «طاهر» بعد طريقة احتفاله أمام الطلائع
وأضاف شوبير:«نجاح الأهلي الأساس فيه النظام والانضباط والعمل المستمر اسمع كلامي سيبك من كل الكلام الفاضي اللي بتسمعه كل ده أي كلام وكل اللي بيقولوا على السوشيال غيرة من الأهلي واللي يقول لك الأهلي مبيلعبش في إسماعيلاية ناقص تقول لي الأهلي مبيلعبش في الهولولولو».
وأضاف شوبير: «الأهلي ماشي بنظام في كل حاجة وحتى أي قضية بيخشها بيبقى عنده نظام وملفات مرتبة، فالانضباط هو كلمة السر في انتصارات الأهلي وإمبارح من أجمل مباريات الأهلي اللي لعبها الموسم ده في الدوري».