«الحمد لله صلاح جاب جول».. حازم إمام يتحدث عن قسوة انتقاد نجوم المنتخب (فيديو)

تحدث حازم إمام نجم الزمالك السابق، عن قسوة البعض في انتقاد نجوم منتخبنا الوطني وتحديدًا محمد صلاح نجم منتخب مصر ونادي ليفربول الإنجليزي، مشيرًا إلى أن البعض يشجعون أفراد تنتمي لأنديتهم سواء الأهلي أو الزمالك، وليس كيان منتخب مصر، وهناك قسوة على «صلاح».
وقال حازم إمام خلال تصريحات إذاعية ببرنامجه «وان تو» المذاع عبر ONsport FM: «شايف أن منتخب مصر خد اللي هو عايزه من المبارتين، أنه يكسب ماتش ويتعادل في الماتش التاني خارج الأرض ده شيء كويس، وخاصة أن مباراة غينيا بيساو ظهرت فيها بشكل كويس الشوط التاني عن الأول، اللعيبة فاقت بعد الجول اللي دخل مرمانا».
وأضاف نجم الزمالك السابق: «الحمدلله أن محمد صلاح جاب جول، والبعض بينتقد وتقسوا على اللعيبة وخاصة صلاح، فكويس أنه جاب جول حلو جدًا في وقت ومباراة مهمة جدًا، ومفيش فرق في قارة إفريقيا صغيرة».
وطالب حازم إمام، المنتقدين بضرورة الهدوء ودعم اللاعبين وعدم ذكر السلبيات، وياريت منضغطش على اللعيبة، وخاصة مع المنتخب لأن أغلب الناس بتصنف المواضيع، وبينتقد ويدعم بحبه للاعب أو لنادي اللي بيشجعه.
وأشار إلى أن الكورة في مصر دايمًا بتوجه انتقادات الهزيمة إلى المدرب، وفي حال المكسب ينسبون الفضل إلى اللاعبين ويقطعوا في الجهاز الفني.
ووجه حازم إمام رسالة إلى التوأم حسام وإبراهيم حسن، متردوش على حد يا جماعة واشتغلو شغلكم، الشغل هو اللي هيرد على الناس، لأن كتر الرد هيدخلك في صدامات كتيرة، والناس دي مش هتبطل كلام صدقوني والله مش هيبطلو كلام، ولو وضحتلو مش هيفهم عشان هو عايز يفضل دايمًا مثار جدل.