السيسي: «من كرم ربنا عليّ بعمل اللي محدش يفكر فيه كمسؤول في الدولة» (فيديو)

قال الرئيس عبدالفتاح السيسي إن "الدولة حريصة على أن تحقق الرقمنة في مصر التقدم المطلوب"، مؤكدًا أن الدولة تستهدف الاستفادة من قدرات الإنسان لتحقيف التنمية.
وأضاف الرئيس خلال افتتاح مركز البيانات والحوسبة السحابية الحكومية، الأحد: «أنت قاعد بتشتغل بتعمل إيه وبتجيب كام، مانت لما هتجيب كتير هتصرف على نفسك وعلى أسرتك وتشتري عربية وعندك ناس تخدمك، لكن لما أنت تكون بتشتغل ودخلك بسيط هتكون يا دوب عايز تاكل».
وتابع: «يبقى لما أنا كإنسان مصري مش رئيس مصر مبقاش معذب إني ألاقي عندي 105 مليون أطلع من كل مليون 1000 وأنا عندي 65% من سكان مصر شباب وشابات».
وواصل: «بفضل الله سبحانه وتعالى ومن كرمه عليا بعمل اللي محدش يفكر فيه كمسؤول في الدولة.. لو كنت مشيت على المسار العادي اللي كان موجود قبل 2018 ولا كنت هعمل الكلام ده خالص لأني هجيبه منين مليارات الدولارات دي أجيبها منين».
وشهد الرئيس عبدالفتاح السيسي، اليوم الأحد، افتتاح مركز البيانات والحوسبة السحابية الحكومية (P1) بطريق العين السخنة.
ويعد هذا المركز الذي يقدم خدمات (تحليل ومعالجة البيانات الضخمة- الذكاء الاصطناعي) الأول في مصر وشمال إفريقيا طبقا لأحدث التقنيات العالمية.
وبدأ الافتتاح بتلاوة آيات من الذكر الحكيم بصوت القارئ الشيخ خالد الجارحي، بحضور الفريق أول محمد زكي القائد العام للقوات المسلحة وزير الدفاع والإنتاج الحربي، وزير الاتصالات وتكنولوجيا المعلومات الدكتور عمرو طلعت، وعدد من الوزراء وكبار رجال الدولة.