«ميعرفش حاجة عن حب الأهلي».. كهربا يوجه رسالة نارية إلى مجدي عبدالغني

علق لاعب النادي الأهلي محمود عبدالمنعم كهربا على أزمته مع مجدي عبدالغني نجم القلعة الحمراء السابق.
وقال كهربا: «مضيت على بياض حبا في نادي الزمالك عشان اطلع إعارة لاتحاد جدة السعودي، وملوا العقد في 2017 وحطوا فيه 4 سنين، واتوثق في 2018، والمسئول عن ده كابتن مجدي عبدالغني، وميعرفش حاجة عن حب وخير الأهلي عليه، ومصلحته أهم من حبه للأهلي».
وأوضح: «ليه انا شاب ليه تظلمني وانا من دور ولادك، ومصالح بينه وبين ناس كتير، وجريت ورا حقي وده اللي خلص عليا، وشهد وبصم ومضى ضدي، ومواجهتوش لان حقى عند ربنا، وكل يوم وطول العمر بقول حسبي الله ونعم الوكيل».
وأضاف خلال استضافته ببرنامج «أسرار» مع الإعلامية أميرة بدر المذاع على قناة النهار: «أنا بالإنجازات اللي وصلتلها دلوقتي أكيد أنا مش ظالم، وربنا كرمني، وأنا عيل صغير بالنسبة اله وهرد عليه أقوله إيه، وعمره ما يعرف يرد عليا بحاجة، اتظلمت ظلم وحش أوي، وربنا جابلي حقي الحمدلله، وأحمد مجاهد في نفس مركب مجدي عبدالغني، وطول حياتي مشتمتش الزمالك، وبحترمهم جدًا، ولازم يعرفوا اني مظلوم، ولما غلط كنت في النادي، وغلطوا في أهلي، وأنا دخلت للزمالك مبلغ كبير في الإعارات حوالي 84 مليون في الوقت ده».