ما حكم الصداقة بين الولد والبنت؟.. علي جمعة يجيب

علق الدكتور على جمعة، مفتي الديار المصرية السابق، ورئيس لجنة الشؤون الدينية بمجلس النواب، على عدد من التساؤولات التي تمس المجتمع والمشكلات الحياتية التي تواجه المواطنين، وذلك في حوار مفتوح مع الأطفال والكبار خلال حلقة من برنامج «نور الدين»، المذاع عبر فضائية «الأولى» أمس الثلاثاء، وأجاب «جمعة«على سؤال فتاة، حول هل الصداقة بين الولد والبنت مباحة، وفى بنات بتقول «ده البيست فريند بتاعي»؟.
برنامج نور الدين على جمعة
وأوضح «جمعة«خلال حديثه: «الصداقة بين البنت والولد مباحة، ما دام فيها عفاف، فإذا لم يكن هناك عفاف يصبح الأمر خطأ، مش عاوز أقول كلام وميطلعش دقيق»، وأردف على جمعة قائلًأ: «لما نقول الصداقة بين البنت والولد مباحة، فحد يفهم إنها ممكن تحصل زيادة عن اللزوم، فتقول أعملها، لكن في ضابط وحد للعلاقة دى وهى العفاف».
اقرأ أيضًا: على جمعة الصداقة بين الولد والبنت مُباحة بشرط (فيديو)
الدكتور على جمعة
وأضاف على جمعة: «فى بنات بتقول ده البسيت فريند بتاعي، وفيه ناس تانية بترفض الصداقة بين البنت والولد، علشان عندهم فكر إنه ضد العفاف، خلاص اتحلت لازم نفهم الناس إننا بشر مجتمعين اجتماع بشري، وعندى حد اسمه جار ورفيق وزميل العلاقة بين قائم على العفاف«.
كما أجاب الدكتور على جمعة على سؤال أحد الطلاب حول هل الشات بين ولد وبنت يعتبر خلوة أو حرام؟، وأوضح على جمعة خلال حديث عبر فضائية الأولى أن «الشات لا يعتبر حرام، ما دام في علانية ولا يوجد به أي شيء حرام، اللى هو فيه خلوة».
وأردف الطالب قائلًأ «واحد كاتب لصديقته بحبك وحشتينى، هل ده يعتبر حرام، ووالدها لا يعرف وكلام في السر»، ورد عليه الدكتور على جمعة: «وأنا كمان هكتب لك كده، بس لو أبوها عارف، مفيش مشكلة، لكن لو مفيش حد عارف، يبقى خطأ ويبقى في سر، وهيكون في كلام مش مضبوط وهيبقى في كلام فيه سر ونخاف يطلع عليه الناس».
اقرأ أيضًا: ما حكم من يقول لصديقته «بحبك وحشتيني» في الشات؟ على جمعة يجيب (فيديو)
فتاوي على جمعة
وتابع على جمعة: «البنت ممكن تقول لباباها، أنا فلان بيساعدنى وبحبه، خلاص بقى أبوها عارف وأمها عارفة والكل بقى عارف، ولو حصل أي خطأ بين الأبناء هيقوموهم ويعلموهم الصح حتى لا يقدحوا في العفاف».